Ugatsha olubona ngezamanani olweZimStat luthi intengo yezinto ehlelwe ngedola leMelika (inflation) ikhwele ngesilinganiso sokuthathu okulengxenye ekhulwini, 3.5 percent, ngoNkwenkwezi nxa kuqathaniswa lasesikhathini esifanayo nyakenye.
Kodwa lolugatsha luthi ngemali yeZimbabwe ethulwe ngenyanga edluleyo, iZimbabwe Gold, intengo zehlile ngokwedlula kancane okubili ekhulwini, -2.4 percent.
Ingcwethi kwezenotho zithi ukukhwela kwentengo ngedola leMelika lokhu kukhomba sobala ukuthi umnotho weZimbabwe usesimeni esibi.
Zithi njalo azivumelani lombiko wokuthi intengo zehlile ngemali yeZimbabwe ngoba idola leMelika yilo elisetshenziswa kakhulu elizweni.
Omunye wabalombono lo nguMnu Effie Dlela Ncube, yena okhokhela njalo inhlanganiso emela abathengi eyeNational Consumwe Rights Association.
Your browser doesn’t support HTML5
Udaba Lokukhwela Kwentengo Yezinto Ngokugcweleyo