Abezindaba abeNewzwire babika ukuba intengo yempahla etshiyeneyo phakathi kuka Mpandula loMfumfu ikhuphuke isuka kokuyisilinganiso sokufika phose okuyisithupha ekhulwini – 5.8 percent kusiya kokuyisilinganiso sokufika phose amatshumi amane ekhulwini – 37.2 percent.
Abazindaba laba babika ukuba lokhu kubangelwa yikuwa kwesisindo seZimbabwe Gold kumbe iZ-i-G okwenziwa libhanga leReserve Bank of Zimbabwe.
Mhlaka 27 kuMpandula ibhanga leli lawisa isisindo seZiG ngokwedlula kancane okuyisilinganiso sokungamatshumi amane ekhulwini – 43 percent.
Ingcwethi kwezomnotho uMnu. Stevenson Dlamini osebenza ekolitshini lemfundo yaphezulu eNational University of Science and Technology uthi akumangalisi ukukhuphuka kwentengo yempahla ngoba iZiG yawa kakhulu isisindo.
SEE ALSO:
Ingxoxo Esiyenze LoMnu. Stevenson Dlamini