Intathelizindaba zeZimbabwe zithakazelela uhlelo olusanda kuqhutshwa elizweni leli luhlangothi lukahulumende olubona ngokwethulwa kwemibiko olweUnited States Agency for Global Media, olumayelana lokusetshenziswa kwe-Artificial Intelligence (AI).
Uhlangothi lolu luqhube uhlelo lwe-AI kusukela ngoLwesibili eHarare lapho obelugoqela intathelizindaba ezimbalwa ezisebenza kumankampani atshiyeneyo.
Abaqhube uhlelo lolu bafundise intathelizindaba indlela zokuthapha izindaba kusetshenziswa i-Artificial Intelligence.
UGarry Mthembeni osebenzela iphephandaba leNewsDay ngomunye wabafunde okunengi kusukela ngoLwesibili.
“Mina ngifunde okunengi kakhulu ikakhulu uuba imitshina leyi kayenelisi ukuba yenze lokho esikwenzayo nxa thina singela lwazi lokuba isebenza njani, kungakho sifundiswe ukuba siyisebenzise njani.”
UNonhlanhla Nkala osebenzela iKeyona TV koBulawayo laye uthole ulwazi olujulileyo olwethulwe luhlangothi lolu.
“Mina ngokwami bengivele ngingela ndaba le AI ngifunde okungeni ukuba sithathe imtshina le yenze imsebenzi emincane thina sikhangelisise indaba ezijulileyo.”
UMnu. Admire Masuku, okhulume emaphethelweni ohlelo lolu emele ikolitshi yeHarare Polytechnic, uthe imitshina yakulez’insuku sokumele ifundwe ukuze umsebenzi wentatheli ube lula.
“Thina okusiqakathekileyo yikuba siguqule izifundo zethu ukuba iAI ifundwe ezikolo, okufundisiweyo lapha kusipha ithuba lokuba siguqule indlela esisebenza ngayo.”
Obemele uhlangothi lweUSAGM, uMnu Travis Hyde, uthi iUSAGM leVoice of America ziqakathekisa ukusetshenziswa kwemitshina yakulez’insuku.
“Siqakathekisa kakhulu ukuba intathelizindaba zenelise ukufunda imsebenzi yakulezinsuku, yikho sifuna ukuba ele Zimbabwe wonke umuntu afunde iAI kungelani lomsakazo awusebenzelayo.”
Ukusetshenziswa kwemitshina yakulez’insuku sokuguqule kakhulu umsebenzi wentathelizindaba kulenkuthazo yokuba zifundiswe ukuze zingalahlekelwa ngumsebenzi.
Uhulumende weZimbabwe kakabumbi umthetho wokusetshenziswa kwe AI esithi ufuna ukuzwa imbono kazulu phezulu kokusetshenziswa kwayo.
SEE ALSO:
Udaba Esilwethulelwe NguMlondolozi Ndlovu