Intathelizindaba zeStudio 7 Zalelwa Ukuthapha Indaba Emhlanganweni weZanu PF Annual Conference

WASHINGTON — 

Intathelizindaba zomsakazo weStudio 7 zalelwa ngoLwesine ukuba zivunyelwe ukuthapha izindaba emhlanganweni webandla leZanu PF koBulawayo.

Intathelizindaba lezi – uEzra Tshisa Sibanda, uKudzanayi Musengi loNgqwele Dube – zithi kazitshelwanga izizatho zokubalela ukuba bethaphe indaba emhlangagweni we-Annual National People’s Conference, okuzahlaziywa ezomnotho, ezombusazwe lokunye.

Ophethe uhlangothi lokwethulwa kwemibiko kubandla leZanu PF, uMnu. Farai Mharapira, uthi abathathu laba bekungaziwa ukuba bamele bani.

Sixoxe njalo ngodaba lolu loMnu. Joseph Tshuma omele iPelandaba-Mpopoma edale lephalamende ekubandla leZanu PF othi kungabe kulokunye intathelizindaba lezi ezehluleke ukukuchasisela ababhalisela abazathapha indaba emhlanganweni lo.

SEE ALSO:

Ingxoxo Esiyenze loMnu. Joseph Tshuma

Okubandla leCitizens Coalition for Change, uMnu. Solani Moyo, uyakusola okwenziwe libandla elibusayo esithi kukhona iziphathamandla zalo ezikufihlayo.

SEE ALSO:

Ingxoxo Esiyenze loMnu. Kuda Munsaka loMnu. Fortune Mlalazi

Kusenjalo, kuyaxokozela kubandla leli ngokusuka kumbe ukuhlala embusweni kukaMongameli Emmerson Mnangagwa kungafika umnyaka ka2028.

Ukuze sihlaziye udaba lolu, sixoxe loMnu. Fortune Mlalazi olandela ezombusazwe ezimele kanye loMnu. Kuda Munsaka okunhlanganiso yeForever Associates Zimbabwe edlelana lebandla elibusayo.

SEE ALSO:

Ingxoxo Esiyenze loMnu. Kuda Munsaka loMnu. Fortune Mlalazi