Inhlanganiso yomanyano wamazwe akuzansi yezwekazi leAfrica oweSouthern African Development Community (SADC) ucela ukudla kwabantu abayizigidi phose ezingamatshumi ayisithupha – 58 million ababhekane lendlala enkulu lonyaka njalo lezulu lesikhukhula kwamanye amazwe.
Inkokheli yomanyano lo yenze umhlangano omkhulu namuhla ebulenjini bokuxhumana lapho uMongameli Joao Manuel Goncalves Lourenco, obengumgcinisihlalo, obike ukuba amazwe la asebambisana ukuze edingele abantu ukudla.
Uthe kuyasinda ukuba akwenze kungela sekelo lwamazwe athuthukileyo kanye lenhlanganiso ezizimeleyo.
UMongameli Emmerson Mnangagwa laye ubesemhlanganweni lo. Kasenelisanga ukuxoxa lesikhulumeli sakhe, uMnu. George Charamba, obengaphenduli umakhalekhukhwini.
Ukuze sihlaziye udaba lolu, sixoxe loMnu. Everson Ndlovu, ofundisa izifundo zokuhlenga uzulu ezeDisaster Management ekolitshini lemfundo yaphezulu eNational University of Science and Technology.
UNdlovu uthi kukhanya engani inkokheli yeSADC isisebenza kakhulu ukuthi ilungiselele ikusasa yabantu ababhekane lendlala lokunye.
Uthi ulethemba lokuthi indawo esanda kulungiswa kwele Mozambique izanceda ekuhlengeni abalambayo lababhekane lezulu lesikhukhula.
SEE ALSO:
Ingxoxo Esiyenze loMnu. Everson Ndlovu