Akukacaci ukuba inkokheli entsha yabalwa impi yenkululeko izakwenzani ngodaba lukaMongameli Emmerson Mnangagwa, okhuthazwa ngamanye amalunga ebandla leZanu PF ukuthi aqhubekela phambili esembusweni kungafika umnyaka ka2028.
Abakhokheli benhlanganiso yeZimbabwe National Liberation War Veterans Association engaphansi kwebandla elibusayo basanda kukhetho uMnu. Cephas Ncube labanye ukuba bephathe inhlanganiso le ebikhokhelwa nguMnu. Chris Mutsvangwa, okhe phansi kukhetho oluqhutshwe kunsukwana ezedlulayo eGweru.
Kasenelisanga ukukhuluma loNcube ngodaba lolu kodwa kulabanye abakhethwe laye okuthiwa basekela ukuba uMnangagwa aqhubekela phambili esembusweni loba yena esithi usefuna ukuphumula.
Kusiyafika umnyaka ka2028, uMnangagwa uzabe esehlale embusweni okweminyaka elitshumi njengalokhu okulawulwa yisisekelo sombuso welizwe.
Ukuze sihlaziye udaba lolu, sixoxe loMnu. Effie Dlela Ncube okunhlanganiso elwela ilungelo loluntu eyeNational Consumer Rights Association othi akukhanyi ukuba abasanda kukhethwa bazakwenza njani.
SEE ALSO:
Ingxoxo Esiyenze LoMnu. Effie Dlela Ncube