WASHINGTON —
Inhlanganiso yamagqwetha alwela amalungelo oluntu eyeZimbabwe Lawyers for Human Rights leZimbabwe Human Rights Commission sezilobelane isivumelwano sokusebenzelana ndawonye emizameni yokulondoloza amalungelo oluntu.
Iziphathamanbdla zenhlangothi zombili zisayinelane isivumelwano lesi emkhosini oqhutshelwe eHarare ngoLwesithathu.
IZimbabwe Human Rights Commission yikomishini kahulumende ekhangelane lokulondoloza amalungelo oluntu ebunjwe eminyakeni esanda kwedlula.
Igqwetha njalo eyisiphathamandla seZimbabwe Lawyers for Human Rights uMnu Lizwe Jamela uthe ngokusebenzelana lekomishini le, bajonge ukufundisa uzulu ngamalungelo akhe kanye lokumvikela.