Ababeyizisebenzi zenkampani emba amalahle eHwange eyeZhong Jian Investments, abaxotshwa umsebenzi ngo Mfumfu nyakenye ngoLwesithathu babuthane emgodini lo besithi bafuna izimali zabo abangaziphiwanga ngesikhathi bexotshwa.
Abantu lalaba abedlula amakhulu amathathu bafike bavala linkampani befuna ukubona iziphathamandla zayo.
Inkampani le yake yetheswa umlandu wokutshaya lokuhlukuluza izisebenzi zayo ngomnyaka ka 2022.
Asenelisanga ukuxhumana leziphathamandla zalinkampani njengoba obona ngokuqhatshwa kwezisebenzi kulumgodi othiwa nguNkosikazi Mindu ethe kenelisi ukukhuluma emele linkampani wathi sikhulume leziphathamandla zenkampani.
Incingo zeziphathamandla zalinkampani bezingasatshelwa.
Izisebenzi lezi zibhalelane phansi isivumelwano lenkampani le esokuthi zizaphiwa imali zazo ekupheleni kwayonalinyanga ngemva kokungenela kwamapholisa abophe njalo obekhokhela lezi zisebenzi.
Exoxa leStudio7 omunye wabaxotshwa umsebenzi uMnu Mbwana Makawa uthe bahlala bephiwa izethembiso zokuthi bazaphiwa imali kodwa nxa usuku selufikile ludluliselwe phambili.
Your browser doesn’t support HTML5
Ingxoxo loMnu Mbwana Makawa.
UMnu Prince Mpala ongunobhala jikelele wenhlanganiso emela izisebenzi zemigodini eyeSolidarity Mine Workers Union of Zimbabwe yena uthe kulendingeko yokuthi kuvikelwe izisebenzi zemigodini ikakhulu ezisebenzela amankampani abantu abavela eChina.
Your browser doesn’t support HTML5
Ingxoxo loMnu Prince Mpala.