HARARE —
Ingcwethi kwezombusazwe, ezomnotho kanye lenkokheli enhlanganisweni ezilwela ilungelo loluntu ziyavumelana ukuba inhlupho kwezomnotho eZimbabwe zibangelwa yinkokheli engaboni indlela eziqondileyo zokuthuthukisa umnotho welizwe.
Lokhu kuphume emhlanganweni oqoqwe ngabomanyano wenhlanganiso ezilwela ilungelo loluntu eye Crisis Coalition in Zimbabwe, wokubonisana phezu kokungenziwa ukuvuselela umnotho welizwe osuguqe ngamadolo nxa uqathaniswa lowamanye amazwe awe SADC, owenzelwe eweteleni ye Bronte e Harare lamuhla.
Kuvunyelenwe kulomhlangano ukuba izijeziso zomnotho ayisizo ezibangela ukuwa komnotho welizwe ngoba bewuvele usuwonakele ngesikhathi zibekelelwa inkokheli yeZanu PF.
Ummeli we European Union kuleli, umnumzana Aldo Della’Ricia, uthi eleZimbabwe kalilayo inkinga kwezobukhokheli ethi ngoba ekhona umkhokheli owanelisa ukumelana lokujonge ukuphazamisa ukuqutshwa kwemisebenzi yokuthuthukiswa komnotho elizweni.
Ingcwethi kwezomnotho u Dr Godfrey Kanyenze wenhlanganiso ye LEDRIZ, uphikisane lalombono ethi ikhona inkinga yobukhokhekheli elizweni, esithi sekudinga inkokheli lozulu jikelele ukuba bakuvume ukuba umnotho welizwe usenkingeni.
Esithi okunye okudala inkinga yindlela uhulumende atshaphaza ngayo imali enlutshwana etholakalayo.
Lombono ugcizelelwe ngu Dr Ibbo Mandaza othi kumele inkokheli zikuvume ukuba umnotho welizwe ukusimo esibi, idinge indlela zokuwulungisisa njalo alalele okutshiwo ngabanye hatshi ukuba ngukhanda limtshela okwakhe.
Umqondisi wenhlanganiso ye Combined Harare Residents Association - CHRA enguye njalo isikhulumeli se CRISIS COALITION in Zimbabwe umnumzana Mfundo Mlilo utshele i Studio Seven ukuba kungumlandu kahulumende ukuthuthukisa umnotho welizwe.
Yikho uMlilo ethi bakubone kufanele, njengomanyano wenhlanganizo ezilwela ilungelo loluntu, ukuba bagxile labo kunkulumo yokulungisisa umnotho welizwe lanxa eminyakeni edlule bebegxile kundaba zelungelo loluntu.
Ubeka inkokheli umlandu wokukhuluma emphakathini ngokuzinikela kwazo ukuvuselela umnotho ehlabela ingoma yokuqeda ukungathembeki kodwa kuphelele emlonyeni.
Umqondisi we Bulawayo Agenda umnumzana Thabani Nyoni uthi injongo yenhlanganiso ezilwela ilungelo loluntu yikwenza ukuba uhulumende ame ngamazwane sikhathi sonke ngoba esazi ukuba bakhona abambheke ngelihlo elibomvu.
Lohlelo lweZimAsset olutshona lubabazwa nguhulumende uNyoni uthi alucacanga ukuba lusukela ngaphi lusiya ngaphi njengoba uzulu lalezi nhlanganiso bengazange batholiswe ithuba lokupha imicabango yabo phezu kwalo.
Lokhu kugcizelelwe ngumqondisi we Centre For Disability and Development umnumzana Masimba Kuchera ethi okukhankaselwa zinkokheli zikahulumende ukuba umnotho uphazanyiswa yizijeziso zenotho, kuyikucatsha ngomunwe njengoba wonakala zingakabekwa.
Abakade besemhlanganweni lo bathi uhulumende akala ngenye indlela ngaphandle kokukhulumisana labantu phezu kokungenziwa ukuthuthukisa umnotho welizwe osuwonakele.
Bethi njalo kumele zikhangelwe indlela ezingasetshenziswa ukuwuvuselela ezibalisa ukulwisana lokungathembeki, ukuvuselelwa kwamankampani, kulandelwe indlela zokusebenzisa imitshina yakulezi nsuku, ukudinga indlela zokubuthanisa imali hatshi ukuthembela kunhlanganiso zomhlaba ezitholisa izikwelede kanye lokuletha inguquko kwezokuthengiselana.
Isimo ilizwe elikiso sibikwa singalunganga ngoba liphila ngokuthenga yonke impahla edingakalayo kwamanye amazwe lona lithengisa impahla enlutshwana kuphela.
Lokhu kuphume emhlanganweni oqoqwe ngabomanyano wenhlanganiso ezilwela ilungelo loluntu eye Crisis Coalition in Zimbabwe, wokubonisana phezu kokungenziwa ukuvuselela umnotho welizwe osuguqe ngamadolo nxa uqathaniswa lowamanye amazwe awe SADC, owenzelwe eweteleni ye Bronte e Harare lamuhla.
Kuvunyelenwe kulomhlangano ukuba izijeziso zomnotho ayisizo ezibangela ukuwa komnotho welizwe ngoba bewuvele usuwonakele ngesikhathi zibekelelwa inkokheli yeZanu PF.
Ummeli we European Union kuleli, umnumzana Aldo Della’Ricia, uthi eleZimbabwe kalilayo inkinga kwezobukhokheli ethi ngoba ekhona umkhokheli owanelisa ukumelana lokujonge ukuphazamisa ukuqutshwa kwemisebenzi yokuthuthukiswa komnotho elizweni.
Ingcwethi kwezomnotho u Dr Godfrey Kanyenze wenhlanganiso ye LEDRIZ, uphikisane lalombono ethi ikhona inkinga yobukhokhekheli elizweni, esithi sekudinga inkokheli lozulu jikelele ukuba bakuvume ukuba umnotho welizwe usenkingeni.
Esithi okunye okudala inkinga yindlela uhulumende atshaphaza ngayo imali enlutshwana etholakalayo.
Lombono ugcizelelwe ngu Dr Ibbo Mandaza othi kumele inkokheli zikuvume ukuba umnotho welizwe ukusimo esibi, idinge indlela zokuwulungisisa njalo alalele okutshiwo ngabanye hatshi ukuba ngukhanda limtshela okwakhe.
Umqondisi wenhlanganiso ye Combined Harare Residents Association - CHRA enguye njalo isikhulumeli se CRISIS COALITION in Zimbabwe umnumzana Mfundo Mlilo utshele i Studio Seven ukuba kungumlandu kahulumende ukuthuthukisa umnotho welizwe.
Yikho uMlilo ethi bakubone kufanele, njengomanyano wenhlanganizo ezilwela ilungelo loluntu, ukuba bagxile labo kunkulumo yokulungisisa umnotho welizwe lanxa eminyakeni edlule bebegxile kundaba zelungelo loluntu.
Ubeka inkokheli umlandu wokukhuluma emphakathini ngokuzinikela kwazo ukuvuselela umnotho ehlabela ingoma yokuqeda ukungathembeki kodwa kuphelele emlonyeni.
Umqondisi we Bulawayo Agenda umnumzana Thabani Nyoni uthi injongo yenhlanganiso ezilwela ilungelo loluntu yikwenza ukuba uhulumende ame ngamazwane sikhathi sonke ngoba esazi ukuba bakhona abambheke ngelihlo elibomvu.
Lohlelo lweZimAsset olutshona lubabazwa nguhulumende uNyoni uthi alucacanga ukuba lusukela ngaphi lusiya ngaphi njengoba uzulu lalezi nhlanganiso bengazange batholiswe ithuba lokupha imicabango yabo phezu kwalo.
Lokhu kugcizelelwe ngumqondisi we Centre For Disability and Development umnumzana Masimba Kuchera ethi okukhankaselwa zinkokheli zikahulumende ukuba umnotho uphazanyiswa yizijeziso zenotho, kuyikucatsha ngomunwe njengoba wonakala zingakabekwa.
Abakade besemhlanganweni lo bathi uhulumende akala ngenye indlela ngaphandle kokukhulumisana labantu phezu kokungenziwa ukuthuthukisa umnotho welizwe osuwonakele.
Bethi njalo kumele zikhangelwe indlela ezingasetshenziswa ukuwuvuselela ezibalisa ukulwisana lokungathembeki, ukuvuselelwa kwamankampani, kulandelwe indlela zokusebenzisa imitshina yakulezi nsuku, ukudinga indlela zokubuthanisa imali hatshi ukuthembela kunhlanganiso zomhlaba ezitholisa izikwelede kanye lokuletha inguquko kwezokuthengiselana.
Isimo ilizwe elikiso sibikwa singalunganga ngoba liphila ngokuthenga yonke impahla edingakalayo kwamanye amazwe lona lithengisa impahla enlutshwana kuphela.