Abenhlanganiso yamagqwetha eye Zimbabwe Lawyers for Human Rights baveza ukukhathazeka ngomumo wokungananzwa kwelungelo loluntu elizweni kanye lokwehluleka kukahulumende ukudinga uItai Dzamara onyamalale ngomnyaka odluleyo.
********** Ababona ngezokulondolozwa kwamalungelo oluntu emhlabeni jikelele abe Amnesty International, bathi bakhathazekile ngokungalungisiswa kwesimo semithetho yeZimbabwe ukuze ihambelane lokumunyethwe yisisekelo sombuso.
********** Ukukhankasela usekelo kulabo abadinga ukuncintisa kukhetho lukamongameli eMelika kuqhubekela phambili kubandla lamaRepublicans umnumzana Donald Trump elokhu ekhokhela.
********** Kuhlelo lwezizalwane zeZimbabwe ezihlala kwamanye amazwe lamuhla sixoxa loMnu. Zenzo Ncube ohlala eBhilithane othi ukudla kweZimbabwe nguthaphutshiye eLondon.
***********KuLivetalk namhlanje sikhangela isimo sokulondolozwa kwamalungelo oluntu eZimbabwe. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Sitholakala njalo kuFacebook ekhasini lethu ele VOA Ndebele.
Your browser doesn’t support HTML5
Inhloko zeNdaba zeStudio 7 NgoLwesithathu 24 Nhlolanja 2016