Endabeni zethu lamhlanje ……………..
************** Umsekeli kamongameli welizwe uRetired General Constantine Chiwenga ukhuthaze ukwengezelelwa kwemali yokuphathisa uhlangothi lwezokulima elizweni. Linkuthazo uyenze evula umhlangano wezokulima owe Agribusiness Conference owenzelwe embukisweni owe Harare Agricultural Show
*********** UMabhalane omkhulu weBulawayo City Council uMnu. Christopher Dube uthi ukwakhiwa kwendawo yamavinkili eyeGodini Mall kuqhubeka kakuhle laloba ukhetho belumise mbijana eminye imisebenzi.
*********** Inani labalahlekelwe ngumpefumulo engozini zomgwaqo eZimbabwe liqonge okwethusayo lonyaka nxa kuqathaniswa lelanyakenye. Lokhu lako kwengeze indleko yokulungisisa umonakalo odalwa yilezi ngozi.
*********** Kwezemidlalo………... Abadlali batshayela ihlombe abaqoqe umncintiswano kakhilikithi owe Spar Bonsa Twenty20 wona ofike emaphethelweni ensukwini ezedluleyo edolobheni lako Bulawayo.
********** KuLiveTalk namhlanje kuhlelo lwezizalwane ze Zimbabwe esezihlala kwamanye amazwe olwe “Diaspora Forum” sixoxa labasemazweni besipha imibono yabo ngabakukangelele kuhulumende omutsha kaMongameli Emmerson Mnangagwa. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.
Your browser doesn’t support HTML5
Inhloko zendaba, Ncwabakazi 29, 2018