IBulawayo lokhe ihamba phambili ngenani labantu abaleCOVID 19, njalo izolo kuphela kulabantu abangamatshumi amahlanu lanhlanu- 55 abatholakale belayo edolobheni leli. Idolobho lonke lilabantu abedlula amakhulu amahlanu-516 abagulayo okwamanje. Uphenyo olwenziwe ngabe I Am For Bulawayo Fighting COVID 19 luveza ukuthi uzulu koBulawayo kasazihluphi ngokuqgoka ama Mask njalo akasalandeli iziqondiso zokuvikela kuCOVID 19.
Lanxa uhulumende esithi ukhathazekile ngodaba lokuqansa kwenani lezifundi esezitholakala zilalomkhuhlane we COVID-19 ngemva kokuvulwa kwezikolo, uthi kaziyi kuvalwa njengalokho okuhlezi kukhankaselwa ngabanengi okubalisa ababalisi.
EleBotswana lithi lima ngesinqumo salo sokuvula imngcele lanxa umkhuhlane we COVID-19 ukhanya umemetheka ngamandla phakathi, laphandle kwelizwe. Leli lizwe lithi lithethe wonke amanyathela ukubona ukuthi izeluleko zonke ezokwenqabela ukumemetheka komkhuhlane lo, ziyalandelwa emngceleni yonke evulwe ngoLwesibili.
Umqeqetshi weqembu le FC Platinum uNorman Mapeza uthi abadlali bakhe kumele bakhuphule izinga lokudlala lapho abazadibana khona leqembu lase Mozambique ele Costa Dol Sol, kuhlandla lesibili lomdlalo we preliminary round eyomncintiswano we CAF Champions League ozaqhutshelwa enkundleni ye National Sports ngoMgqibelo.
Ku Livetalk namhlanje kuhlelo “Diaspora Forum” sikhangela ukuqonga kwenani labatholakala beleCovid 19, ukuvulwa kwemingcele yeZimbabwe lemazweni angomakhelwane kanye lokwenzakala eMelika nemva kokhetho lokudinga umongameli.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.
Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.
Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.