************* Uhlelo lokungena indlu ngandlu elizweni jikelele kuhlolwa abantu ukuthi bengaba belegcikwane lengculaza eleHIV luqhubekela phambili abanye besala ukuhlolwa.
**********Iphephandaba leZimbabwean liyavala.
********* Kuhlandla lapho esixoxa labamabandla ezombusazwe ehlukeneyo ngesimo sombusazwe eZimbabwe lamhlanje sixoxa loMnu. Rugare Gumbo omunye wabaxotshwa kuZanu PF asebebumba ibandla elithiwa People First.
*********** Umsebenzi wezemigodi ubikwa kuyiwo wodwa othuthukayo kwezenotho yeZimbabwe eminye yonke efana lokulima itshabalala osokubangela ukusilela kokudla.
*************Kuhlelo lwezizalwane zeZimbabwe ezihlala emazweni lamuhla sixoxa loNkosikazi Ester Nyambi wenhlanganiso yeZimbabwe Vigil yabatshengisela ezitaladini zeBhilithane bekhonona ngokwenziwe nguMnu. Sylvester Nyatsuro osethathela uMnu. Phillip Rankin ipulazi lakhe eMashonaland Central.
***********KuLivetalk namhlanje sikhangela uhlelo lomkhankaso wokungena indlu ngandlu abantu bekhuthazwa ukuhlolwa ukuthi bangabe belegcikwane lengculaza na kumbe hatshi. Lingakhuthwa yilezi ndaba lezinye kuStudio 7 ngo 8 ntambama kumagagasi athi 909 AM kumbe 4930 lo15455 Kilohertz, Shortwave, sitholakala njalo kuFacebook ku VOA Ndebele.
Your browser doesn’t support HTML5
Inhloko zeNdaba zeStudio Seven NgoLwesithathu 28 Mfumfu 2015