Abasakhulayo beMDC ekhokhelwa nguMnu Welshman Ncube bathi uNkosikazi Priscilla Misihairabwi-Mushonga kumele axotshwe kulelibandla ngoba engameli izifiso zebandla edale lephalamende.
Owayengummeli weHurungwe West ephalamende uMnu Themba Mliswa, yena oxotshwe kubandla leZanu PF kunyanga ezedluleyo uthi nxa ummanyano weMDC-T loNkosikazi Joyce Mujuru ungaphumelela, kumele ukhokhelwe nguMnu Morgan Tsvangirai.
Inhlanganiso ekhankasela amalungelo entathelizindaba, iMedia Alliance of Zimbabwe, isisole ukuhlukuluzwa kwentathelizindaba emazweni atshiyeneyo eAfrica isithi ohulumende kumele bavumele intatheli zisebenze zikhululekile.
Kuhlelo lweLivetalk namuhla sikhangela isimo samabandla aphikisayo.
Kwezemidlalo: Iqembu leChicken Inn selikhokhela ngemiklomelo emihlanu kungalane yeCastle Premier Soccer League ngemva kokunqoba eleZPC Kariba nge 2 ka 1 ngoMgqobelo. IHighlanders yona inqotshwe yiHarare City nge 1 ka 0 kwathi iDynamos yabhaxabulwa yi FC Platinum nge3 ka 1.
Your browser doesn’t support HTML5
Indaba zanamuhla ngamafitshane