Abantwana besikolo abanengi sebetshiya ezemfundo ngenxa yendlala emangalisayo eZimbabwe.
Ibandla lezombusazwe elibunjwe lonyaka eleZimbabwe First elikhokhelwa nguMnu. Maxwell Shumba lithi lizimisele ukuguqula konke okwenzakala eZimbabwe loba nje kusakhatshana ukuthi ibandla elibusayo liphume embusweni.
Abakhangele ezimpilakahle eZimbabwe bezimele bodwa bathi kuyamangalisa ukuthi akukabunjwa iHealth Advisory Board yokuqhuba inhlelo ezitshiyeneyo ezingaphansi kohlangothi lukahulumende lwezempilakahle.
Ababalisi beZimbabwe eBotswana babhekane lelakusasa elimnyama ngemva kokuba uhulumende wele Botswana ethe usezaqala ukuthatha imsebenzi esesandleni zabavela ngaphandle kwelizwe ayinike izizalwane zakhe.
Kambe umnotho welizwe usuqalisile ukuthuthuka na njengalokho okutshiwo ngumsekeli kamphathintambo wezomnotho, uMnu. Mike Bimha othi ezinye inhelo zikahulumende sezivuselela umnotho welizwe?
KuLivetalk namhlanje sihlaziya udaba lwabantwana besikolo abatshiya imfundo ngenxa yendlala. Lingakhuthwa yilezi ndaba lezinye kuStudio 7 ngo 8 ntambama kumagagasi athi 909 AM kumbe 4930 lo15455 Kilohertz, Shortwave, sitholakala njalo kuFacebook ku VOA NDEBELE.
Your browser doesn’t support HTML5
Inhloko Zendaba Ezimqoka NgoLwesibili, Mfumfu 20, 2015