Ikhomisheni ye Zimbabwe Media Information Commission isiphe amankampani amahlanu amalayisensi wokuqala amaphephandaba. amankampani la agoqela i Associated Newspapers of Zimbabwe eyayidinda iphephandaba le The Daily News le the daily news on Sunday, i iModus Publications ezadinda iphephandaba le The Daily Gazette, iZimbabwe Congress of Trade Unions, iZCTU, yona iphiwe ilayisensi yokuthi iphephandaba layo i The Worker lidindwe ngeviki hatshi ngenyanga njangalokhu kade kusenzakala.
Kuthi inhlanganiso eyaphiwa imali lugatsha lukahulumende lwabasakhulayo, iFootling Venture iphiwe ilayisensi yokusungula iphephandaba elithiwa The Daily Mail. Inhlanganiso ye Alpha Media Publishers yona iphiwe ilayisensi yokudinda iphephandaba le Newsday.
Kodwa uMnu. Loughty Dube umgcinisihlalo wenhlanganiso ebona ngokuqutshwa kwezindaba elizweni, iMedia Institute of Southern Africa, uthi lanxa sekulenhlanganiso eziphiwe amalayisensi kusasekhona okudingakalayo ukuze linhlanganiso isebenze okusuthisa intathelizindaba elizweni.