HARARE —
Inhlanganiso yenguqu eye Zimbabwe Football Association isiqalisile ukudinga ozathatha isikhundla somqeqeshi weqembu lesizwe elamaWarriors. Obekulesi sikhundla uDieter Pagels wakwele German, usetshiya lesi sikhundla ngoba icontract isiphelile.
Owake wadlalela iqembu leMamelodi Sundowns waba ngumsekeli womqeqeshi we Ajax Cape Town u-Ian Gorowa nguye okhanya engathatha lesi sikhundla. UGorowa useHarare lapho ahlangane lomgcinisihlalo weZifa uCuthbert Dube ukuze babone ukuthi engathatha lesi sikhundla na.
Lokhu kwenzakala kulandela imbiko ebikwa iphuma ezindabeni yokuthi i-Zifa kayengezelelanga amalanga okusebenza kwecontract ka Pagels ngakhoke kuzamele aphindele ekhaya kibo kwele Germany lapho icontract isipheliel.
Lanxa uPagels ese Zimbabwe phansi kwesivumelwano sabohulumende bamazwe womabili kuze kuye fika inyanga kaNhlolanja womnyaka ozayo, yena uthi akaboni emelela leso sikhathi njengoba eZimbabwe kungasela okunye angakwenza.
Pagels uqhatshwe ukuba aphathe isikhundla sokuba ngumqeqeshi wama Warriors okwesikhatshana phansi kwesivumelwanoesiphela ekupheleni kwayonale inyanga okulapho uGorowa akhangelelwe ukuthatha intambo zobuqeqeshi.
UGorowa ukhanya ubesemlonyeni wabanengi abakuBoard ye Zifa njalo uke wanikwa isikhundla sokuba ancedise uNorman Mapeza esesenguye umqeqeshi. Ngaleso sikhathi wayephiwe umsebenzi wokusebenza ikakhulu labadlali ababedlalela kwamanye amazwe kodwa wehluleka ukusithatha ngoba wayesephathekile kumaqembu akhe ase South Africa.
IZifa ibikwa ingeke yaqatsha njalo obe thandwa ngababukeli uNorman Mapeza kanye lo Sunday Chidzambwa ngoba ababili laba sikhulamnje bamangalele linhlananiso ngokungababhadali iholo ngesikhathi besebenza phansi kwayo. Ekhuluma emele iZifa udube uveze ukuba inhlanganiso le ifuna umqeqeshi oyisizalwane seZimbabwe.
Owake wadlalela iqembu leMamelodi Sundowns waba ngumsekeli womqeqeshi we Ajax Cape Town u-Ian Gorowa nguye okhanya engathatha lesi sikhundla. UGorowa useHarare lapho ahlangane lomgcinisihlalo weZifa uCuthbert Dube ukuze babone ukuthi engathatha lesi sikhundla na.
Lokhu kwenzakala kulandela imbiko ebikwa iphuma ezindabeni yokuthi i-Zifa kayengezelelanga amalanga okusebenza kwecontract ka Pagels ngakhoke kuzamele aphindele ekhaya kibo kwele Germany lapho icontract isipheliel.
Lanxa uPagels ese Zimbabwe phansi kwesivumelwano sabohulumende bamazwe womabili kuze kuye fika inyanga kaNhlolanja womnyaka ozayo, yena uthi akaboni emelela leso sikhathi njengoba eZimbabwe kungasela okunye angakwenza.
Pagels uqhatshwe ukuba aphathe isikhundla sokuba ngumqeqeshi wama Warriors okwesikhatshana phansi kwesivumelwanoesiphela ekupheleni kwayonale inyanga okulapho uGorowa akhangelelwe ukuthatha intambo zobuqeqeshi.
UGorowa ukhanya ubesemlonyeni wabanengi abakuBoard ye Zifa njalo uke wanikwa isikhundla sokuba ancedise uNorman Mapeza esesenguye umqeqeshi. Ngaleso sikhathi wayephiwe umsebenzi wokusebenza ikakhulu labadlali ababedlalela kwamanye amazwe kodwa wehluleka ukusithatha ngoba wayesephathekile kumaqembu akhe ase South Africa.
IZifa ibikwa ingeke yaqatsha njalo obe thandwa ngababukeli uNorman Mapeza kanye lo Sunday Chidzambwa ngoba ababili laba sikhulamnje bamangalele linhlananiso ngokungababhadali iholo ngesikhathi besebenza phansi kwayo. Ekhuluma emele iZifa udube uveze ukuba inhlanganiso le ifuna umqeqeshi oyisizalwane seZimbabwe.