Inhlanganiso elwela amalungelo oluntu eyeMatabeleland Institute for Human Rights isilobele idale lePhalamende incwadi ikhonona ngokungaphiwa kwezabelo amandla okuzibusa ngokugcweleyo, i-devolution.
Isahluko setshumi lane, uChapter 14 wesisekelo sombuso welizwe, iConstitution uthi, “Lapho kulesidingo, amandla lezibopho zikahulumende kumele kudluliselwe ezandleni zeziphathamandla zamadolobho kanye lezabelo ezilekhono lokugcwalisa lezo zibopho.”
Isahluku lesi sisolwa kakhulu yilinhlanganiso isithi asikubeki sobala ukuthi amandla kumele aphungulwe kuhulumende aphiwe izabelo ukuze zizibuse njengokufisa kwabantu okwavela ngesikhathi kulotshwa isisekelo sombuso esaqala ukusebenza ngo2013.
Umkhokheli weMatabeleland Institute for Human Rights uMnu Khumbulani Maphosa nguye ohambise incwadi le ePhalamende esithi lelidale kumele lilobe umthetho ocacayo uzakupha izabelo amandla okuzibusa ngokugcweleyo.
UMaphosa utshele iStudio 7 ukuthi loludaba kumele lulungiswe ngokuphangisa. Usomlomo wedale lePhalamende uMnu Jacob Mudenda ubengabambeki.
Your browser doesn’t support HTML5
Udaba Lwesisekelo Sombuso Ngokugcweleyo