Inhlanganiso emele abaqhatshi eye Employers Confederation of Zimbabwe- EMCOZ, ithi isithethe isinqumo sokuthi kumele ingatsha ezitshiyeneyo zenotho yelizwe zenze umhlangano owodwa lezisebenzi lonyaka wokuhluza udaba lweholo.
Umqondisi we EMCOZ uMnumzana John Mufukare utshele iStudio 7 ukuthi abaqhatshi bathi imihlangano eminenginengi ekade isenziwa ngabaqhatshi lezisebenzi yenza ukuthi abaqhatshi banike izisebenzi iholo eledlula inzuzo etholwa ngamankampani amanengi.
UMufukare uthi nxa abaqhatshi lezisebenzi bengahlala kanye ngomnyaka kuzamele bekhangele ukuthi iholo lezisebenzi lizangezelelwa njani ekuqhubekeni komnyaka.
Uthi nxa kuhluzwa iholo, kumele kukhangelwe impahla eyenziwa ngamankampani lawo lenzuzo ayitholayo njalo lomumo wezenotho eZimbabwe.
Kodwa-ke inhlanganiso emele izisebenzi iZimbabwe Congress of Trade Unions ithi lokhu okufunwa yiEMCOZ kuzenza ukuthi izisebenzi zikhalale imsebenzi ngobunengi lonyaka.
Omele unobhala jikelele we ZCTU uMnumzana Japhet Moyo uthi iEMCOZ kayibuzanga elangeni ngokuthatha isinqumo lesi.
