Enye yenhlanganiso ezimela abaphila ngokuthenga lokuthengisa eye Zimbabwe Chamber of Informal Economy Associations ithi isigaba somthetho wezamabhizimusi owe Statutory instrument 64 kumele sesulwe ngoba siphazamisa ukusebenza kuhle kwabo.
Unobhala jikelele weZCIE umnumzana Wisdom Malaya uthi isigaba lesi somthetho, sitshiya abanengi abaphila ngokuthenga bethengiselana labanye ngendlela encane sebebhekana lobunzima khona kungela misebenzi kanje elizweni.
Umnumzana Trust Nhubu osebenza lenhlanganiso zabatsha uthi umthetho lo wengezelela inhlupho zabo njengabontanga ngoba laloba begqiba izifundo emakolitshini imisebenzi abayitholi kodwa baphinde bavinjwe ukuziphilisa ngokuthengisa kanje.
U-Malaya uthi uhulumende kumele esule lumthetho aqale alungisise udaba lokutholisa abantu imisebenzi lendlela abangaziphila ngayo ngokuthengisa engakabeki umthetho onje. Uthi ngalokho balungiselela ukuhlangana lohulumende:
Uhulumende ulembiko ahlala eyiphumisa emoyeni ethi lumthetho uyavumeza abantu makhaza ukuba beyethenga impahla abayifunayo kodwa usalela kuphela abathenga befuna ukuthengisa.
Umongameli Robert Mugabe laye wazise lamhlanje ukuba kuqakathekile ukuba uhulumende avikele amabhizimusi elizweni ethi lokhu kwenziwa emazweni wonke womhlaba kodwa inhlanganiso ezitshiyeneyo ezigoqela abomkhankaso we Tajamuka owe#This Flag lezinye zithi zizaqhubeka zitshengisela ukuze loludaba kunye lokunye okudubayo elizweni kulungisiswe.
Your browser doesn’t support HTML5
Udaba Silethulelwa nguMark Peter Nthambe