Inhlanganiso Ezizimeleyo Zikhathazekile Ngokuvinjwa Kwemihlangano Ebihlolisisa iPrivate Voluntary Organizations Bill

WASHINGTON —

Inhlanganiso ezizimeleyo zithi zikhathazekile ngokukhahlanyezwa kwabantu ngabacatshangelwa ukuba ngamalunga ebandla leZanu PF abaphazamise imihlangano eqoqwe lidale lephalamende eyokuhlolisisa iziqondiso zePrivate Voluntary Organizations Bill.

Zithi akumangalisi okwenziwe ngamalunga eZanu PF ngoba bafuna kube ngumthetho welizwe. Abanye abalwa impi yenkululeko bathi bazajezisa inhlanganiso zonke ezikhanya ziphikisa okwenziwa nguhulumende.

Kutshoni lokhu okwenzakale emihlanganweni ebiqoqwe lidale lephalamende?

Ukuze sihlaziye udaba lolu, sixoxe loMnu. Joseph Tshuma omele iPelandaba-Tshabalala edale lephalamende njalo ofundela ukuba ligqwetha loMnu. Fortune Mlalazi ingcwethi kwezombusazwe ozimeleyo. UMlalazi wake wasekela ibandla leCCC elalikhokhelwa nguMnu. Nelson Chamisa.

UTshuma uthi kumele kubelemithetho evimba inhlanganiso ezizimeleyo ngoba zilakho ukwenza santando.

Kodwa uMlalazi uthi akumangalisi okwenziwa nguhulumende oncindezela uzulu.

SEE ALSO: