Inhlanganiso ezikhuthaza abantu ukuthi bebhalisele ukuvota zithi zizaxoxisana leZimbabwe Electoral Commission ukuthi ichasise ukuthi kungani isithi isibhalise abantu abazinkulungwane ezimbili kuphela 20 thousand kuwonalo umnyaka ukuthi benelise ukuvota.
Umabhalane kahulumende obona ngokwethulwa kwembiko uMnu. Nick Mangwana wethule umbiko enkundleni yebulenjini eyeTwitter esithi amabandla aphikisayo ehlulekile ukuqoqa inani elikhulu labantu ukuthi libhalise, okusolwe ngabanengi besithi kufanele inhlanganiso yeZEC kanye lohulumende bekhuphe ingxaki ezinqabela abantu ukuthi bebhalise.
Asenelisanga ukukhuluma leZEC ngaloludaba. Sixoxe loMnu. Nkosikhona Dibiti, isikhulumeli somanyano wenhlanganiso eziqhuba umkhankaso wokuthi abantu bebhalisele ukuvota ezigabeni zeMatabeleland lakoBulawayo,eye Ekhaya Vote 2023.
UMnu. Dibiti uthi kuqakathekile ukuthi iZEC ichasise ukuthi bangaki abantu ababhalise kusiqinti ngasiqinti elizweni ukwenzela ukuthi beqathanise lamanani abalawo njengenhlanganiso.
Your browser doesn’t support HTML5
Ingxoxo loMnu. Nkosikhona Dibiti