JOHANNESBURG —
Inhlanganiso zikazulu weZimbabwe eziselizweni leziphandle kwelizwe ziqhube umhlangano wezokhetho eJohannesburg ngempelaviki, lapho abezihlela khona amacebo ngalokho okungenziwa ukuze ukhetho oluzayo lube ngolukhululekileyo njalo lungela kuqilibezela. Lezi inhlanganiso zithi zizasebenza gadalala ukuze zenqabele yonke inhlobonhlobo yokuqilibezela kulolukhetho.
Sekusele amaviki amabili nje kuphela ukuthi izizalwane zeZimbabwe ziqhube ukhetho lokudinga umongameli, amalunga edale lephalamende lamakhansila, kodwa inhlanganiso zikazulu zithi lolukhetho kalusoke lube ngolukhululekiyo.
Inhlanganiso zeZimbabwe ezigxile phakathi laphandle kwelizwe bezithe gwaqa eJohannesburg ngempelaviki zihlela ukuthi yini ezingayenza emavikini amabilila aseleyo ukuze impumela yokhetho oluzayo iveze xathu izifiso zikazulu.
Ekhuluma le Studio 7 ngemva kwalo umhlangano, obona ngokuqoqwa kwenhlelo zenhlanganiso yeCrisis in Zimbabwe Coalition phandle kwelizwe uMnumnzana Joy Mabhenge, uthe balokwesaba okukhulu ukuthi lolukhetho luzakwehluleka ukuveza intando kazulu.
Lobanje lezinhlanganiso zisithi kunengi obekufanele kulungiswe ukhetho lungakenziwa okungalungiswanga, umgcinisihlalo wenhlanganiso yeZimbabwe Global Forum uMnumnzana Solomon Chikowero, uthi uzulu weZimbabwe usefake ithemba lakhe kukomishini yezokhetho.
Ekugqhitshweni kwalu mhlangano inhlanganiso zikazulu weZimbabwe zivumelane ukusungula umkhankaso wokunxusa inhlanganiso zikazulu kwamanye amazwe ukuthi zincedisane labantu beZimbabwe ekukhuthazeni ohulumende bazo ukuthi bekubeke kucace kunkokheli zeZimbabwe ukuthi ukhetho lukamhlaka 31 Ntulikazi kufanele lube ngolukhululekileyo njalo lungela kuqilibezela.
Sekusele amaviki amabili nje kuphela ukuthi izizalwane zeZimbabwe ziqhube ukhetho lokudinga umongameli, amalunga edale lephalamende lamakhansila, kodwa inhlanganiso zikazulu zithi lolukhetho kalusoke lube ngolukhululekiyo.
Inhlanganiso zeZimbabwe ezigxile phakathi laphandle kwelizwe bezithe gwaqa eJohannesburg ngempelaviki zihlela ukuthi yini ezingayenza emavikini amabilila aseleyo ukuze impumela yokhetho oluzayo iveze xathu izifiso zikazulu.
Ekhuluma le Studio 7 ngemva kwalo umhlangano, obona ngokuqoqwa kwenhlelo zenhlanganiso yeCrisis in Zimbabwe Coalition phandle kwelizwe uMnumnzana Joy Mabhenge, uthe balokwesaba okukhulu ukuthi lolukhetho luzakwehluleka ukuveza intando kazulu.
Lobanje lezinhlanganiso zisithi kunengi obekufanele kulungiswe ukhetho lungakenziwa okungalungiswanga, umgcinisihlalo wenhlanganiso yeZimbabwe Global Forum uMnumnzana Solomon Chikowero, uthi uzulu weZimbabwe usefake ithemba lakhe kukomishini yezokhetho.
Ekugqhitshweni kwalu mhlangano inhlanganiso zikazulu weZimbabwe zivumelane ukusungula umkhankaso wokunxusa inhlanganiso zikazulu kwamanye amazwe ukuthi zincedisane labantu beZimbabwe ekukhuthazeni ohulumende bazo ukuthi bekubeke kucace kunkokheli zeZimbabwe ukuthi ukhetho lukamhlaka 31 Ntulikazi kufanele lube ngolukhululekileyo njalo lungela kuqilibezela.
Your browser doesn’t support HTML5
Udaba lukaBenedict Nhlapho lomhlangano weCrisis Coalition