BULAWAYO —
Abacubungula ezenotho kanye lezombusazwe bathi iholo leziphathamandla zamakhansili elivezwe zingatsha zikahulumende litshengisa obala ukuthi ukungaphathwa kuhle kwamadolobho akubangelwa yikusilela kwemali kodwa yibuhwaba lobuqili osobaba yingxenye yokubuswa kwelizwe.
Ingcitshi lezi zithi akuzwisiseki ukuthi amadolobho amancane afana leGwanda, Beitbridge lePlumtree babelabomabhalane bedolobho oTown Clerk abahola ukwedlula owakoBulawayo, wona amadolobho abo eswela amanzi okunatha ahlanzekileyo, izibi zingabuthwa njalo lezisebenzi ezihola iholo eliphansi zingatholi imali ngesikhathi.
UTown Clerk weGwanda ubikwa ehola imali engaphezu kwamatshumi amabili enkulungwane elandela oweHarare ngesikhathi ikhansili yakhe ibibikwa kumaphephandaba ivalelwa amanzi ngenxa yezikwelede.
Owedolobho lePlumtree, elilokhu lisamelele ukunikwa imvumo yokuba ngumanisipala ogcweleyo, uhola imali edlula omabhalane bamadolobho amakhulu iBulawayo, iMutare kanye leMasvingo.
Ocubungula ukubuswa kwelizwe, uDr Samukele Hadebe uthi iholo leli elikhulunywayo litshengisa ukuthi omunye lomunye kuleli uzenzela intando yakhe kungela okhangelayo kumbe obuzayo ukuthi imali kazulu iyangaphi.
Uthi kusobala ukuthi iziphathamandla azisawazi umsebenzi wazo wokuthi kumele ziphathe njani njalo isebenze njani imali kazulu okuyikho osokubulele ilizwe.
Umnumzana Daniel Makwati, oyisakhamuzi, uthi kade bakhuluma ngamakhansili la bekhonona ukuthi imali yabo ihamba nje ikhala akula okwenziwayo, beswela ubufakazi kodwa namhla sokuze kwavela ngoba vele okulempondo akufihlwa emgodleni.
Uthi amakhansili kade awuhlaba umkhosi esithi kenelisi ukuhlanza amanzi, ukubutha izibi kanti imali bayitshayela esikhewini.
Omunye njalo ocubungula ezenotho yelizwe lombusazwe, uMnumzana Godfrey Maphosa, uthi lezi indaba zivela nje ngenxa yokuthi ibandla leZanu PF lizama amacebo okuthola usekelo kuzulu ngokuziveza njengabantu asebeguqule izenzo zabo abangasafuni kuba lobudlelwano leziphathamandla ezingathembakalanga.
Uthi kusobala ukuthi lelibandla aliselani lokulwisana lamabandla aphikisayo anqotshwa kukhetho nyakenye ngakho selidinga ukuthi likhanye lizinuka amakhwapha.
Amadolobho akuleli ahlelwe kuzigaba ezine kusiya ngokuthi makhulu okungakanani. Kusigaba sokuqala kuleHarare ledolobho lakoBulawayo, kwesesibili kule Kwekwe, iGweru, iMutare, iMasvingo le Kadoma; kwesesithathu yiBindura, iChitungwiza, iChinhoyi, iRedcliff, iChegutu, iGwanda, iVictoria Falls, iKariba kanye le Marondera kuthi kwesesithathu yiwo wonke amadolobho amancane kanye lamakhansili emaphandleni.
Ingcitshi lezi zithi akuzwisiseki ukuthi amadolobho amancane afana leGwanda, Beitbridge lePlumtree babelabomabhalane bedolobho oTown Clerk abahola ukwedlula owakoBulawayo, wona amadolobho abo eswela amanzi okunatha ahlanzekileyo, izibi zingabuthwa njalo lezisebenzi ezihola iholo eliphansi zingatholi imali ngesikhathi.
UTown Clerk weGwanda ubikwa ehola imali engaphezu kwamatshumi amabili enkulungwane elandela oweHarare ngesikhathi ikhansili yakhe ibibikwa kumaphephandaba ivalelwa amanzi ngenxa yezikwelede.
Owedolobho lePlumtree, elilokhu lisamelele ukunikwa imvumo yokuba ngumanisipala ogcweleyo, uhola imali edlula omabhalane bamadolobho amakhulu iBulawayo, iMutare kanye leMasvingo.
Ocubungula ukubuswa kwelizwe, uDr Samukele Hadebe uthi iholo leli elikhulunywayo litshengisa ukuthi omunye lomunye kuleli uzenzela intando yakhe kungela okhangelayo kumbe obuzayo ukuthi imali kazulu iyangaphi.
Uthi kusobala ukuthi iziphathamandla azisawazi umsebenzi wazo wokuthi kumele ziphathe njani njalo isebenze njani imali kazulu okuyikho osokubulele ilizwe.
Umnumzana Daniel Makwati, oyisakhamuzi, uthi kade bakhuluma ngamakhansili la bekhonona ukuthi imali yabo ihamba nje ikhala akula okwenziwayo, beswela ubufakazi kodwa namhla sokuze kwavela ngoba vele okulempondo akufihlwa emgodleni.
Uthi amakhansili kade awuhlaba umkhosi esithi kenelisi ukuhlanza amanzi, ukubutha izibi kanti imali bayitshayela esikhewini.
Omunye njalo ocubungula ezenotho yelizwe lombusazwe, uMnumzana Godfrey Maphosa, uthi lezi indaba zivela nje ngenxa yokuthi ibandla leZanu PF lizama amacebo okuthola usekelo kuzulu ngokuziveza njengabantu asebeguqule izenzo zabo abangasafuni kuba lobudlelwano leziphathamandla ezingathembakalanga.
Uthi kusobala ukuthi lelibandla aliselani lokulwisana lamabandla aphikisayo anqotshwa kukhetho nyakenye ngakho selidinga ukuthi likhanye lizinuka amakhwapha.
Amadolobho akuleli ahlelwe kuzigaba ezine kusiya ngokuthi makhulu okungakanani. Kusigaba sokuqala kuleHarare ledolobho lakoBulawayo, kwesesibili kule Kwekwe, iGweru, iMutare, iMasvingo le Kadoma; kwesesithathu yiBindura, iChitungwiza, iChinhoyi, iRedcliff, iChegutu, iGwanda, iVictoria Falls, iKariba kanye le Marondera kuthi kwesesithathu yiwo wonke amadolobho amancane kanye lamakhansili emaphandleni.