Inengi lithi lilokhu lithukuthele kulandela amazwi kamongameli Mnangagwa othe kumele kujeziswe abalwela ilungelo loluntu abancedisa abalinyazwa libutho lababotshwa ngamapholisa ngesikhathi abantu betshengisela emigwaqweni ngenyanga edluleyo.
Umkhokheli webandla leMDC, uMnu. Nelson Chamisa ubikwa etshele inkokheli yebandla lakhe ngempelasonto ukuthi uzulu kasoze ethuselwe ngoba indubo elizweni sezizinengi okokuthi abantu sebesithi okungasikufa yikuphi.
Ngempelasonto umongameli Mnangagwa utshele umhlangano owenzelwe eMwenezi ukuthi uhulumende wakhe uzaqedelana labaphatheka ekutshengiseleni kwenyanga edluleyo, kanye labancedisa abalinyazwa libutho lababotshwa ngamapholisa ngesikhathi abantu betshengisela, ababalisa odokotela, amagqwetha, lenkokheli yenhlanganiso yezisebenzi.
Asizweni abalaleli beStudio 7 bexoxa ngaloludaba kanye lokususwa kweyinye inkokheli yebutho ezikhundleni ngumongameli Mnangagwa, abagoqela uMajor General Douglas Nyikayaramba, abazahanjiswa emazweni lapho abazaqhubeka besebenzela uhulumende weZimbabwe
Abalaleli bebekhuluma kuhlelo Zimbabwe Today Asixoxeni esilethulela lona ebulenjini beFacebook, kuVOA Ndebele.
Your browser doesn’t support HTML5
Ingxoxo Labalaleli beStudio Seven
Ukuhlaziya loludaba, sixoxe lengcwethi ecubungula ezombusazwe, uMnu. Cassius Jayz Simana Mpofu.
Your browser doesn’t support HTML5
Ingxoxo loMnu. Cassius Jays Simana Mpofu