WASHINGTON DC —
Inengi selamukele ngenjabulo isinqumo senkantolo esivimba okwesikhatshana ukuxotshwa kwezakhamizi zesigaba seChilonga, eChiredzi, ezizinkulungwane ezilitshumi lambili.
Isinqumo lesi sethulwe ngumantshi weMasvingo ngoLwesihlanu njalo sivimba ukududulwa kwabantu laba emizini yabo nguhulumende.
Kodwa isikhulumeli sikaMongameli Emmerson Mnangagwa uMnu George Charamba uthi uhulumende kabuyeli muva ngaloludaba.
Uhulumende uxotsha abantu laba nje ngoba ufuna ukuhlalisa umlimi omhlophe ukuze alime utshani benkomo zakhe.
Olwela amalungelo oluntu uMnu Mbuso Fuzwayo uthi okwenziwa nguhulumende lohu yinto embi kakhulu engamelanga ivunyelwe.
Your browser doesn’t support HTML5
Ingxoxo loMnu Mbuso Fuzwayo