Inkampani ebona ngokwethulwa kwembiko i Zimbabwe Newspapers, okuyiyo engumnini wamaphephandaba e The Herald, The Chronicle, uMthunywa, i Manica Post lamanye, ithi isisungula umsakazo we radio kanye le TV ukwenzela ukuthi ibe yinkampani epheleleyo.
Lokhu kuvezwe yisiphathamandla salinkampani, uMnu. Paul Chimedza emhlanganwen we Stratiegic Planning Workshop e Nyanga ngeNsonto edluleyo, njalo kwagcizelelwa nguMnu. George Charamba, isiphathamandla sikahulumende.
UMnu. Nhlanhla Ngwenya, isiphathanadla se nhlanganiso ebona ngokwethulwa kwembiko eye Media Institute of Southern Africa, utshele iStudio 7 ukuthi kufanele amankampani azimelyo lawo aphiwe imvumo yokusakaza kulokuthi kuphiwe akahulumende kuphela.
Kusenjalo, uMnu. Walter Nsununguli Mbongolwane, ingcwethi ecubungula ezombusazwe, utshele uSithandekile Mhlanga weStudio 7 ukuthi imsakazo le ayisoze ithakazelelwe ngabanengi ngoba izabe isethula imbiko ethatha uhlangothi lukahulumende njengemisakazo ye Zimbabwe Broadcasting Cooperation.