Abanengi sebesole inyathela lika Mongameli Emmerson Mnangagwa elokuthengela izinduna izimota zohlobo lwe-Isuzu double cab, besithi yikudlalisa imali ngales'isikhathi ilizwe libhekane lendlala, lokukhuphuka kwentengo yempahla.
UMnangagwa ngoLwesine unike izinduna izimota ezilikhulu.
Ayisikho kwakuqala uhulumende kaMnangagwa esipha izinduna imota njalo uzulu enkundleni zokuxhumana eyeX leyeFacebook uyalisola leli nyathelo esithi yikudlalisa imali ilizwe libhekane lendlala, ukukhuphuka kwentengo yempahla njalo odokotela, abongi labafundisa emakolitshini emfundo yaphezulu befuna ukukhalala umsebenzi bekhala ngeholo eliphansi.
Umkhokheli wedale lezinduna olweChiefs Council, uNduna Mtshana Khumalo, uthi izimota lezi zathengwa kudala.
Kodwa uMnu. Nhlanhla Moses Ncube unobhala jikelele weFreedom Alliance uyakusola lokhu.
Kasenelisanga ukuxoxa ngodaba lolu leziphathamandla zikahulumende.
SEE ALSO: Ingxoxo loNduna Mtshana Khumalo.Exoxa leStudio7 olandela ezombusazwe, ongunobhala webandla leFreedom Alliance, uMnu Nhlanhla Moses Ncube uthe okwenziwe nguhulumende akulunganga esithi abaphansi kwezinduna lezi befa ngendlala.
SEE ALSO: Ingxoxo loMnu Nhlanhla Moses Ncube.