Ukonakala komnotho kuqhubeka kusengeza ubunzima uzulu abhekane labo.
Abazali abanengi baphakathi kokuqoqa imali yokubhadalela abantwana ezikolo, zona ezivulwa ngeziki ezayo.
Abantu abanengi balahlekelwe yimisebenzi nyakenye njalo inkulungwane zilakho ukubhekana lodubo olufanayo lonyaka nxa kungasabanga lobubelo kwezenotho.
Izisebenzi ezinengi, ikakhulu ezikahulumende zikhala ngokuthi uhulumende wehlulekile ukuzihlawula imali yamabonus.
Abongi labongikazi bathi bazaqalisa ukukhalala umsebenzi ngoMvulo nxa uhulumende engehluleka ukubaholisa amabonus ekupheleni kwaliviki.
Odokotela labo bethule umbiko bekhonona ngodaba olufanayo. Ingcwethi zithi ukuvalwa kweAllied Bank kuveza sobala ukuthi izinto zimi manzonzo kwezenotho.
Ukuhlaziya ubunzima uzulu abhekane labo sixhume owake waba ngummeli weGwanda edale lephalamende uMnu Thandeko Zinti Mkandla lomqondisi weBulawayo Agenda uMnu MMeli Dube. UMkandla usungule lingxoxo.
Your browser doesn’t support HTML5
Ingxoxo loMnu Thandeko Zinti Mnkandla loMnu Mmeli Dube