Abaphila legcikwane lengculaza sebekhuthaze uhulumende ukuthi akhweze imali yenhlelo zempilakahle ngesilinganiso esilitshumi lanhlanu ekhulwini- 15% kuluhlu lokusetshenziswa kwemali olwe budget oluzakwethulelwa iphalamende kuyonale iviki.
Lokhu kuvezwe nguMnu. Sebastian Chinhaire, umgcinisihlalo wenhlanganiso elwela amalungelo abantu abaphila legcikwane lengculaza, iZimbabwe Network of People Living with HIV and AIDS, emhlanganweni oqhutshwe lentathelizindaba ngoMvulo eHarare.
UChinhaire ugcizelele wathi kudingakala imali ethe xaxa ukwenzela ukuthi abaphila legcikwane lengculaza abahlala emaphandleni bethole usizo lwamaphilisi ama ARVS.
UMnu. Sipho Mahlangu, esinye isiphathamandla salinhlanganiso utshele uSithandekile Mhlanga we Studio 7 ukuthi inhlanganiso yakhe izatshengisela ngokuthula kusasa ngaloludaba.