Umsekeli kamkhokheli wedale lezinduna eleNational Chief’s Council uMnu Fortune Charumbira uthi ukubulawa kwabantu abedlula inkulungwane ezingamatshumi amabili, 20,000, eMatabeleland laseMidlands okwaziwa ngokuthi yiGukurahundi akumelanga kuchazwe njengombhuqazwe, i-genocide.
UCharumbira wethule amazwi la ngoLwesine emhlanganweni wezinduna lendathelizindaba koBulawayo lapho amacele womabili abekhulumisana ngokuqhutshwa kohlelo lokulungisisa udaba lweGukurahundi oluzaqala kusikhatshana esilandelayo.
Ugcizelele ukuthi intathelizindaba azisoze zivunyelwe emihlanganweni yaloluhlelo phakathi kwezinduna labantu ababulawelwa izihlobo libutho le-fifth brigade kanye lalabo abathintwa kubi yilumbhuqazwe.
Le yinto esolwa kakhulu ngabalwela amalungelo oluntu kanye lentathelizindaba.
Omunye wabalwela ukulondolozwa kwamalungelo kazulu njalo eyintathelizindaba uMnu Zenzele Ndebele utshele iStudio 7 ukuthi iGukurahundi ngumbhuqazwe osegcekeni ongathandabuzwayo.
Your browser doesn’t support HTML5
Ingxoxo loMnu Zenzele Ndebele