Abalankani abadabuka eZimbabwe abahlala kwele South Africa ngemva kokudutshulwa kwabesifazana ababili abangamawele ababulewe yindoda yomunye wabo wacina laye ezidubula eJohannesburg.
Ngokutsho kuka Mnumnzana Farai Zhou, umfowabo kaSamkeliso loAtalia asebedlule emhlabeni, linsindabaphenduli iqale ngesicelo somkhwenyana wakhe, uJustin Mahlaba, othe ufisa kuzokhulunywa ngoba bengasezwani lonkosikazi wakhe. Ngemva kwemizamo yomkhwenyana eyokuthi kuhlanganwe nomakanjani bacine behlangane ngoLwesithathu ngeviki ephelileyo endlini yomkhwenyana eBerea eJohannesburg.
“Besibayi 6, mina, unkosikazi wami, laye usbare labodadewethu amatwin sisters lawa, lomnawami isicino uFred. Ngathi asithandazeni, then ngemva komthandazo ngathi usungakhulumake sbare indaba yakho.”
Amawele abulewe yindoda ebizonde okumangalisayo
UMnumnzana Zhou uthi impicabadala le iqale ngemva kokuba umuntu wonke esekhulumile sekulithuba lakhe lokukhuluma.
“So, ngisakhuluma laphana udadewethu wabesethi bhudi uqeda isikhathi. Uwaster isikhathi sakho. Mina indoda angisayifuni ngoba isingihlukumeze for a long time.”
Uthi okwalandela lapho yinto ayengakaze abacange ukuthi uzahlangana layo empilweni.
“Usbare wasukuma ngolaka wahle wakhipha isbhamu kuwaist la. Wamtshaya uhlamvu oluyi 1 udadewethu. Lowu uFred wahle weqa esofeni laphana waphuma isivalo wabaleka. Washaya utwin sister wakhe uhlamvu. Wabona lowu uyanyikinyeka kukhanya uyaphila, wamphinda uhlamvu olwesi 2. Wabuyela ngolaka watshaya udadewethu utwin sister lowu uhlamvu lwesi 2. Wabekhomba kunkosikazi wami mina. So lapho okwajema khona isibhamu. Wazama ukusikhokha sisala. Unkosikazi wahle weqa wagijima.“
Amawele abulewe yindoda ebizonde okumangalisayo
Bagijimisanake lekhosikazi lika Zhou waze wangena komakhelwana wacatsha. Ekuphendukeni kwakhe-ke lapho azame khona ukudubula uZhou kodwa umbhobho wala. Ngemva kwalokho uphume phandle lapho azidubulela khona.
UFred uthi lesisenzo simlimaze kakhulu enyameni lemoyeni ikakhulu nxa ekhumbula ngentandane ezitshiwe ngodadewabo.
“Angazi ukuthi ngithini. Angilamandla. The sad part yikuthi we were all trying to fix things. It’s not like bekuliwa. It was a meeting sikhuluma kahle trying to find solutions.”
Isizalwane seZimbabwe njalo ongumgcinisihlalo wenhlanganiso elwela amalungelo abesifazane eyeZim Imbokodo, uNkosazana Victress Mathuthu, wethuse yisehlakalo lesi.
Amawele abulewe yindoda ebizonde okumangalisayo
“Bakithi bomama okungcono yikuthi umuntu ezame ukuphuma esimeni esinjalo kungakonakali kakhulu. Lingahlali kakhulu ezimeni ezinjalo. Singahlali kakhulu ezimeni ezinjalo kuze kufike esimeni esinjengokuthi noma usuzama ukuphuma umuntu akasakuvumeli acine esekubulala.
Umgcinisihlalo wenhlanganiso yeZimbabwe Community in South Africa, uMnumnzana Ngqabutho Mabhena, laye uthi utshelwe ngamathe.
Amawele abulewe yindoda ebizonde okumangalisayo
“Siyakugxeka kakhulu ukuthi abantu balungise indaba zemizi yabo ngesibhamu. Ukuthi umbhobho kusuka sekutheni abantu bedubulana siyakugxeka kakhulu. Ilizwi esilikhiphayo lisiya kuzakhamizi zonke zeZimbabwe yikuthi kasingasebenzisini izibhamu ngalindlela. Abantu abasebenza ngezibhamu, isibhamu kumbe umbhobho kawusale emsebenzini kusafe. Ungabuyi lesibhamu endlini.”
Amawele asedlule emhlabeni atshiye abantwana abayisithupha. Kukhangelelwe ukuthi kuzaqhutshwa inkonzo yenduduzo emakhazeni eKings and Queens ngoLwesihlanu besekusithi ngeSabatha ithimba lomngcwabo lilubhekise ekhaya eNtabazinduna ukuyangcwaba asebelele. Ngokutsho kwabemuli lesidumbu somkhwenyana laso sizaphuma ngesikhathi esifanayo laye esiyangcwatsha kubo eNkabazwe, eMidlands.
SEE ALSO:
Indoda Ibulala Ikhosikazi Lewele Lakhe