Umanyano weUnited Nations (UN) uthi isimo sendlala sizakuba sibi ngamandla emazweni atshiyeneyo elitshumi lasitshiyangalombili, 18, emhlabeni jikelele agoqela iZimbabwe, Zambia, Mawawi leMozambique kusukela linyanga kusiyafika uMfumfu lonyaka.
Inhlanganiso zalumanyano ezibalisa eyeWorld Food Program (WFP) leyeFood and Agriculture Organization (FAO) zethule ugwalo ngoLwesithathu zixwayisa ukuthi amazwe la kumele aphathiswe ngokudla okuphuthumayo ndawonye lamanye afana lesihlenge seGaza esisePalestine lapho okulempi, Haiti, Mali kanye leSouth Sudan.
Olunye njalo ugwalo olwethulwe yiUnited Nations luthi abantu abayizigidi ezingamatshumi amathathu, 30 million, ezansi yezwekazi leAfrica, okugoqela eZimbabwe, babhekane lendlala emangalisayo; ngokunjalo luthi kumele baphathiswe ngokudla ngesiphangiphangi.
Inkokheli yamazwe asezansi yeAfrica yenze umhlangano kunsukwana ezedluleyo zethula isicelo semali engangeUS$5.5 billion yokulwisana lendlala kulumhlubulo.
EZimbabwe kulabantu abayizigidi eziyisitshiyagalolunye, 9 million, abahlaselwe yindlala njalo uhulumende uthi kudingakala iUS$3.3 billion yokubakhusela.
Isiphathamandla senhlanganiso yeNational Consumer Rights Association uMnu Effie Dlela Ncube utshele iStudio 7 ukuthi indlala ihlasele abantu ezigabeni zonke ngitsho lasemadolobheni.
Your browser doesn’t support HTML5
Udaba Lwendlala Ehlasele Ngamandla Ngokugcweleyo