Ugatsha olubona ngokulondolozwa kwemvelo lenyamazana zasendle olweZimbabwe Parks and Wildlife Management Authority luthi kulendlovu ezilikhulu elilamatshumi ayisithupha, 160, ezibulawe yindlala eHwange National Park phakathi kukaNcwabakazi loMpalakazi nyakenye.
Isikhulumeli salolugatsha uMnu Tinashe farawo uveze lokhu kuphephandaba leGuardian, wafakazela umsakazo weStudio 7 ukuthi kulezinye eziyisithupha abathole zifile kunsukwana ezedluleyo njalo bacabangela ukuthi zibuwawe ngabazingela ngokungekho emthethweni.
Ukhansila weDete kuWard 18, eHwange, uMnu Stanley Torima uthi ukuze kuqedwe udubo lokufa kwenyamazana ngenxa yokuswela amanzi kumele kugejwe izikotsho ezinengi eHwange National Park.
Your browser doesn’t support HTML5
Ingxoxo loMnu Stanley Torima