Uhulumende wakwele India uthi uzaletha ngoMvulo amajekiseni awe Covaxin owokwenqabela igcikwane leCoronavirus kwele Zimbabwe.
Lokhu kuza ngesikhathi uMongameli Mnangagwa esanda ukwazisa ukuba ele India lizakupha ele Zimbabwe amajekiseni afika inkulungwane ezingamatshumi ayisikhombisa lanhlanu- 75 000 awe Covaxin.
UDokotela owayengu mphathintambo wezempilakhale uMnu Henry Madzorera uxwayisa abantu ukuthi bevume ukuhlatshwa lijekiseni.
Isigodlo sakwele India eHarare sitshele intathelizindaba ukuba indizamtshina yakwele India izafika kuleli ngo Mvulpo ntamba njalo ugatsha luka hulumende olubona ngobudlelwano be Zimbabwe lokuthengiselana lamanye amazwe luzakwamukela. amajekiseni la, awe Covaxin.
Ele India liphinde lakhalaza ukuba ugatsha lwezempilakahle luncede ukuba amajekiseni lawa amukelwe egcekeni le ndizamtshina ele Harare International airport.
Ligcizelele ukuthi ukuza kwamajekiseni lawa kuyindlela yokuqinisa ubudlelwano phakathi kwele Zimbabwe lele India.
Ele Zimbabwe selikuhlandla lesibili lokuhlatshwa kwabantu ijekiseni leli lapho okuhlatshwa khona ababalisi labezikolo. Embikweni eliwethule izolo, ugatsha lwezempilakahle luthi sokuhlatshwe abantu abafika phose inkulungwane ezingamatshumi ayisithupha lambili, 61, 093 ijekiseni ye Sinopharm evela kweleChina.
Your browser doesn’t support HTML5
UMlondolozi Ndlovu Uyalandisa
Lanxa sokusungulwe ihlandla lesibili lohlelo lokuhlaba abantu ijekiseni yokwenqabela umkhuhlane weCovid 19, olweSinopharm Vaccination inengi lezakhamizi zemaphandleni lithi lilokuthandabuza ngaloluhlelo ngoba lingazi ukuthi kuyini okungavela ngemva kokwamukela lumjovo.
UMongameli Emmerson Mnangagwa usungule ngokusemthethweni ihlandla lesibili lohlelo lokuhlaba ijekiseni yokuvikela iCovid 19, eVictoria Falls ngoLwesithathu lapho akhuthaze uzulu ukuba azinikele ukuhlatshwa lelijekiseni ngoba iqakathekile ekuzivikeleni.
Your browser doesn’t support HTML5
UAlbert Ncube Uyalandisa