Inani labantu asebebulewe ngumkhuhlane we-cholera eZimbabwe selikhwele laya phezu kwamakhulu amane, 447, kuthi asebebanjwe yilumkhuhlane sebesedlula inkulungwane ezingamakhulu angamatshumi amabili, 20,121.
Lokhu kwaziswe ngumphathintambo wezempilakahle uMnu Douglas Mombeshora emhlanganweni awenze lentathelizindaba ngoLwesithathu.
Asebebanjwe yilumkhuhlane kodwa belatshwa basila bazinkulungwane phose ezingamatshumi amabili, 19,442.
UMombeshowa uthe njalo abatholakale belomkhuhlane lo ngoLwesibili bedlula amakhulu amabili, 205, kuthi ababulawe ngumkhuhlane lo njalo ngosuku lunye bayisithupha, 6.
Wengeze wathi i-cholera isisabalele ngelizwe yahlasela eziqintini ezingamatshumi ayisithupha, 60 dictricts, kanti indawo ezihlaselwe yilumkhuhlane kakhulu zibalisa eHarare, Chitungwiza, Buhera, Gutu, Chiredzi, Mazowe leMbire.
Isiphathamandla senhlanganiso yeHarare Residents Trust uMnu Albert Mazula utshele iStudio 7 ukuthi amanani lawa aveza sobala ukuthi uhulumende ukhanya esehluleka ukuluphatha kuhle udaba lwe-cholera.
Your browser doesn’t support HTML5
Ingxoxo loMnu Albert Mazula