Uhulumende uthi impumela yemihloliso kaGrade 7 elotshwe nyakenye izatholakala ezikolo kusukela namuhla ngesikhathi inengi likhuza umhlola ngokwehla kwabaphumeleleyo.
Isilinganiso sabapasileyo sehle sisuka ku46.9 percent ngomnyaka ka2019 saya ku37.11 nyakenye.
Kulezikolo zemaphandleni ezifika phose amatshumi ayisitshiyagalolunye, 88, ezigoqela eziseMatabeleland ezehluleke ukuthola ngitsho lomfundi oyedwa opasileyo.
Abanye bathi abantwana abangaphumelelanga kumele bavunyelwe ukuloba futhi ngaphandle kwenhlawulo.
Kodwa olwela amalungelo kazulu uMnu Mbuso Fuzwayo uthi lokho akusoze kusize ngalutho ngoba udubo olumqoka yikuthi abantwana abazange bafunde ngenxa yokuvalwa kwezikolo phezu komkhuhlane weCovid-19.
Your browser doesn’t support HTML5
Ingxoxo loMnu Mbuso Fuzwayo