Imizamo yokudinga uMnu. Itayi Dzamara iqhubekala phambili kungela sibonele sokuthi kanti vele wathathwa ngobani kumaviki amathathu adluleyo.
UDzamara ngumkhokheli wenhlanganiso ekhankasela ukusuka kukaMongameli Mugabe esihlaweni ethiwa Occupy Africa Unity Square. UDzamara labanye bakhe abalihlekana bebehlala egcekeni le Africa Unity Square eHarare beqhuba umkhankaso wabo.
Kuthe mhlaka 10 ngenyanga edluleyo uDzamara ubegela inwele emuzini we Glenview lapho athathwe ngabantu abahlanu bemethesa icala lokutshontsha inkomo. UDzamara ubikwa wananzelela omunye wabantu laba njengepholisa lensitha.
Kodwa amapholisa ayala ukuthi athatha uDzamara lanxa umthethwandaba wanquma ukuba kumele avezwe uDzamara.
Lamuhla kuhlehlo lwethu Liphuma Lendaba Litshona Lendaba sixoxa loMnu. Charles Nyoni omunye osebenza loDzamara ukuze sizwe ngokudingwa kuka Dzamara.
Your browser doesn’t support HTML5
Uhlelo Liphuma Lendaba