Izakhamizi zesiqintini seMangwe, ePlumtree, zithi imithelo eziyibhadaliswa ngukhansili minengi kakhulu njalo isibulele ibhizimusi.
Limithelo ibikwa isetshenziswa ukuletha intuthuko esiqintini leso kodwa akunjalo.
Osomabhizimusi bathi imthelo kakhansili wabo iphezulu kakhulu njalo sebephelelwe zinkomo bezama ukubhadala imali lezi.
UMnu. Zinkabi Sikhosana uthi babhadala amadola angamatshumi lasitshiyagalo lunye ngemva kwenyanga ezintathu.
Ugcizelele esithi sebesenza imizamo yokuxoxisana lokhansila kanye lelunga ledale lephalamende ukuthi kuqondiswe lokhu kodwa akukalungi lutho njalo uthi bebesesaba ukukhuluma ngohlupho lolu kuhulumende owayekhona kodwa khathesi bakhululekile ukukhuluma.
Evumelana loSikhosana, omunye usomabhizimusi uMnu. Milidzi Dube uthi okubazwisa ubuhlungu yikhuthi imali abayibhadalayo ayikhanyi ukuthi isetshenziswa ngaphi ngoba akula ntuthuko esiqintini lesi.
Isakhamuzi esixoxe leStudio 7, uNkosikazi Sara Khuphe, uthe abathengi kangako ezitolo eziseMangwe ngenxa yokuthi imali ayitholakali ngakho sebehle bethenge koBulawayo kumbe bathunyezelwe ukudla lempahla yizihlobo eziseSouthAfrica.
Asomabhizimusi beZimbabwe asebelentengo ezihlukeneyo emphahleni eyodwa ngenxa yokusweleka kwemali. Osamabhizimusi bathi lokhu kufaka intengo ezehlukeneyo bakwenzela ukuthi benelise ukuyawoda ezinye impahla kodwa lokhu kubanzima ngenxa yokuthi ibhanga elikhulu leZimbabwe liyaphuza ukubanikeza imali.
Emaphandleni lokhe besalele emuva ngokungafaki indlela ezihlukeneyo zokuthengisa.
Your browser doesn’t support HTML5
Udaba Esilethulelwe NguBathule Masuku