Inhlanganiso ekhuthaza ukusungulwa kwemisakazo yezigaba eye Zimbabwe Association of Community Radios ithi idaniswa yikungazihluphi kukahulumende ngodaba lokunikeza limisakazo imvumo yokusebenza eZimbabwe ngesikhathi inani lemizamo yokufuna ukuyisungula ilokhe iqhela.
Umqondisi we ZACRAS umnumzana Kudzayi Kwangwari uthi kuyinto ebadanisayo ukuba kuze kube lamhlanje akula lenzwisa etshengisa ukuba imisakazo le inganikezwa imvumo isebenze kuhle kungenani lemizamo yabo esilesikhathi eside uhulumende ehlala enikeza izizato ezingacaciyo.
Unkosazana vallery Makore ofundela ezkwethulwa kwezindaba ekolitshini le Midlands State University uthi sikhuluma kanje abantu abanengi abalalo ithuba lokuthola imbiko ehambelana labo ngoba amaphephandaba edula njalo amagagase akhona khathesi engafiki endaweni abakizo ethi abantu bafisa njalo belomkhuba wabo wokuhlala phansi njengedale emizini yabo lakuzabelo beqoqa ngeziqakathekileyo ethi imisakazo yezigaba ingaphathisa kuloludaba.
Umnumzana Kwangwari uthi I ZACRAS izaqubekela phambili ifuqa uhulumende kuloludaba. Uthi uhulumende ukhanya esesabela ukuba imisakazo enje ingasetshenjiswa ngendlela engayisiyo engaphazamisa umumo elizweni kodwa eqinisweni asikho isizato sokuba uhulumende esabe.
Ingcwethi kwezokwethulwa kwezindaba zithi noma lokhu kudanisa abantu abakulumsebenzi asebelesikhathi bemelele amalicence okusungula imisakazo yezigaba lokhe bele themba lokuthi ngelinye ilanga kuzakwenzakala. Zisithi ukuphuza ukubapha amalicence loba kubadinisa, kukhomba ukuba imisakazo le yezigaba iqakathekile.
Ele Zimbabwe lilemisakazo emelele ukuphiwa imvumo yokusebenza njengama Community Radio Stations edlula engamatshumi amabili lathobaminwembili elizweni lonke egoqela i-Tonga FM, Hwange FM, Nkayi FM, Berina Radio le Nkabazwe FM phakathi kwamanye.