Inhlanganiso yeMisa Zimbabwe isisungule uhlelo lokufundisa intathelizindaba elizweni indlela entsha eyokuthapha indaba kusetshenziswa i-Artificial Intelligence (AI) ukuze zingasaleli emuva ekwethuleni indaba ezimqotho. Kubika
Intathelizindaba zakoBulawayo ezingamatshumi amathathu zibelethuba liviki lokufunda ngeArtificial lntelligence. UNkosazana Tanaka Murerwa intathelizindaba yeCITE ngomunye ofunde okunengi kuhlelo lweMISA Zimbabwe.
"Sekulentathelizindaba ezimbalwa kuma newsroom, iAI yenza umsebeenzi ubelula njalo akhona amanewsroom aseqalile ukusebenzisa iAI. IMisa Zimbabwe isithe yangezelela ulwazi esilalo."
UMnu. Douglas Ncube uthi usethole ithuba lokuyafunda nge-Artificial Intelligence.
"Ngisebenza eCitizen Bulletin njalo sengifundile okunye ngeAI kodwa ngikhangelele ukuyajulisa ulwazi lwami kusukela kuviki ezayo nge AI."
UMnu Sean Ndlovu, umbalisi ofundisa ngezebulenjini beInternet okugoqela iArtificial Intelligence, uthi kuqakathekile ukuba intathelizindaba zibelololwazi olujulileyo ngeA-I.
"Kuqakathekile ukufundela iAI ngoba ivele isiqalile ukusebenza kodwa abantu abakabi kwazi ukuthi sebeqalile ukuyisebenzisa. Intathelizindaba kumele zazi ukuthi iAI isebenza njani ngoba ilakho ukubancedisa emsebwnzini yabo."
UNkosazana Hellen Sithole igqwetha leMisa Zimbabwe ukhuthaze intathelizindaba ukuba zinanzelele zingephuli amalungelo oluntu uma zisethula indaba zisebenzisa ulwazi lweA-I.
"Asikabi lomthetho osebenzayo okhangela iAI kodwa ikhona ekhangela ngokwephulwa kwamalungelo abantu lokukhutshwa kwemibiko. Sikhangelele ukuthi ngokuya kwesikhathi wonke umuntu abe esekwazi ngeAI.
Umsekeli womphathintambo wohlangothi lukahulumande olweInformation Communication Technology, uMnu. Dingumuzi Phuthi, uthi eleZimbabwe liphakathi kokubumba umthetho okhangelane lokusetshensizwa kweArtificial Intelligence.
Ebuzwa yiVOA, enkundleni yeWhatsapp ngemithetho elawula iAI, uPhuthi uphendule esithi kukhona abakuzamayo okwamanje loba kungakabi ngumthetho ocacileyo.
Uthe bazama ukuba bebumbe umthetho ozahambelana lemibono yamanye amazwe kuzwekazi leAfrica.