Izakhamuzi zakoBulawayo zihlaba omkhulu umkhosi ngomumo wemigwaqo esigugudekile sekugcwele amagodi ndawana yonke. Izakhamizi zaleli dolobho zithi uma lumumo ungalungisiswanga ngokuphangisa kuzadala ingozi ezinengi zomgwaqo ikakhulu khathesi ngesikhathi sekhefu leKhisimusi.
UMayor wakoBulawayo, uKhansila Solomon Mguni utshele umhlangano wamakhansila ukuthi laloba besamukela ngenjabulo ukuna kwezulu lonyaka lokhu sokudale udubo lokonakala kwemigwaqo engasahambeki. Ngakho kuyadingeka ukuthi ikhansili ikwenze kube mqoka enhlelweni zayo.
Umnumzana Tinashe Nare umtshayeli womtshova osebenzela koBulawayo ngomunye wabakhalaza ngesimo semigwaqo.
“Ama pothole agcwele okunye okungenziyo, imigwaqo lokhe iqhubeka i cracker ngesikhathi lesi sezulu. Ngibona ukuthi yisikhathi sokuthi abaphathi be City Council bakukhangelisise bafake imali yokulungisa igwaqo ngoba imiphefumulo eminengi isengozini yama pothole asayenza imigwaqo yethu ibe mibi.”
Lokhu kusekelwe ngumnumzana Dalubuhle Sitshela othi sekugcwele amadamu emigwaqweni.
“Sekuyingozi kubanikazi bezimota labantu abazihambelayo ngoba uzabona ukuthi umtshayeli uyabe ezama ukuvika ipothole ebe sephuma egwaqweni kmbe angene kulowu owemota ezimlandayo okuba yingozi ebantwini abasebenzisa imigwago. Nxa abatshayeli bengananzelelanga balakho ukugudla imota yomunye kumbe ukutshaya umuntu ngoba ezama ukuvika amapothole.”
Umnumzana Ambrose Sibindi umgcinisihlalo wenhlanganiso ebona ngamalungelo ezakhamizi eyeBulawayo Progressive Residence Association uthi bona bazimisele ukusebenzisana lomanisiphala.
“Kukhanya engathi ikhansili layo ilobunzima iyehluleka ukuthi yenzeni. Kodwa okunye okungangcedisa yikuthi siyananzelela ukuthi izakhamizi lazo seziphumile zazama ukuzidingela imizamo yokwenza imigwaqo ibe ngcono, kodwa uhlupho esilubonayo yikuthi izakhamuzi zithatha inhlabathi engaqedakaliyo zifake emgwaqweni. Kungaba ngcona nxa ikhansili ingasebenza lezakhamizi, nxa ingathatha I gravel eqondileyo bahambe bebuthelela lapho okulama pothole izakhamizi zizimisele ukuthi ziyithathe zifake emigwaqweni ukuze kube ngcono.”
Kunjalo nje, umphathintambo wedolobho lakoBulawayo uNkosikazi Judith Ncube wethekelele imuli ze Cowdray Park lamuhla ebezingene amanzi ngesikhathi lesi sezulu zatota.
“Nxa uhambela into enganhle ukuthi uthi ngihambe kuhle, but otherwise sifikile sibonile iSituations ayinhle, ifuna ukuthi ibe attended to. And as a government we are trying to assist ukwenzela ukuthi abantu amaresidents bebe lokuphumula ngesikhathi lesi sekhefu, nxa kungaba lendlela esingaba able to improvise ukwenzela ukuthi ngesikhathi sekhisimusi kubethumoya, than ukuthi bedlale bephakathi kwamanzi anjalo.”
Izakhamizi zakoBulawayo zikhala njalo ngokuthi Phakathi kwenkinga zonke lezi ikhansili yaleli dolobho yethule isaziso sokukhuphula ihlawulo zemithelo ngesilinganiso samakhulu phose amane ekhulwini-372%, ezaqala ngenyanga ka Zibandlela womnyaka ozayo. Kungalesi sizatho sezisisithi njengoba ekhuphula linhlawulo sokumele laye umanisiphala alungisedaba lwamagodi amapotholes emigwaqweni lulungiswe ngokuphangisa.
Your browser doesn’t support HTML5
Udaba lwesimo semigwaqo yakoBulawayo siluphiwa nguBathabile Masuku