Abakhonza ebandleni lokholo elikhokhelwa nguMfundisi Walter Magaya obekwa umlandu wokudlwangula untombazana bayala ukukhuluma ngaloludaba besithi baqubekela phambili bekhonza ikanti abangakhonzi khona abafana labaphila ngokuthengisa bethi lokhu akulani labo.
UMfundisi Magaya obotshwe ngolweSihlanu wamiswa phambi komthethwandaba ngoMgqibelo ebekwa icala lokudlwangula untombazana, ubonakale ekhokhela inkonzo egcweleyo njengenhlala yenza ngeSonto ebonga amakholwa akhe ngokungayengwa njalo bezinikele.
Oqhuba umsebenzi wokuthwala abantu phakathi komgwaqo uSeke Road le Masvingo Road okhethe ukubizwa ngegama lokuthi Eparish uthi lelibandla lokholo limlethele ibhizimusi lokwanda kwabantu abathwalayo:
Uthi noma kunjalo kagijimisani lenengi labo njengabanye abathwalayo ngoba behamba beyimhuli belabantwana okuphazamisa umsebenzi wakhe ngoba bengafuni ukubhadalela abantwana.
Abapheka ukudla endaweni yeZindoga bathi labo bathola ibhizimusi elengezelelweyo ngenxa yokwanda kwamakholwa akhonza koMagaya, okokuthi linkonzo ingabhidlika kungabaphazamisa kakhulu noma bonke bengafunanga ukukhuluma emoyeni.
Abaphiila ngokuthengisa esangweni lePHD Ministries eWaterfalls
Omunye oquba umsebenzi wokugezisa izimota ozithi unguPatrick uthi nomanje abantu besanda okubatholisa imali kodwa ngakwelinye icele kulenkinga ezithile.
Ozithe ngu Ester othengisa ukudla uthi ibhizimusi iqhuba kuhle ngezikhathi zama Special Sunday okugcwala khona abantu labavela phandle kweHarare.
Esangweni lenkonzo yePHD Ministries ekhokhelwa nguMfundisi Magaya
AbeStudio Seven, bethekelele inkonzo kaMagaya bathola kungela bantu abanengi. Bebebalutshwana abakade bezedinga izibusizo lemithandazo efana lamakha, amaWrist Band lokunye bengafuni ukukhuluma ngokwenzakalayo kodwa bethi bazaqubekela phambili bekhonza ngoba bethola usizo empilweni zabo.
Umnumzana Masimba Kuchera osebenzelana lenhlanganiso zabatsha uthi kaboni lelicala liyinto engadiliza iSonto kaMagaya:
AbeStudio 7 abenelisanga ukuthola iziphathamandla zalisonto ukuba zitsho imbono yazo kodwa uMagaya obekwa icala lokudlwangula owesifazana oleminyaka engamatshumi amabili lanhlanu uzaphinda amiswe phambi komthethwandaba mhlaka 15 wenyanga ezayo ngaleli cala.
Your browser doesn’t support HTML5
Udaba lukamfundisi Walter Magaya siluphiwa nguMark P. Nthambe