Ele Melika selithembise ukuphathisa uhulumende weZimbabwe, ngoncedo lwamadola phose ingxenye yesigidi -US$470,000 emsebenzini wokulwisana lokusabalala lokuthelelanwa kwegcikwane leCovid-19 lincedisana labenhlanganiso ezithile, ezigoqela eyeWorld Health Organisation (WHO).
Umqondisi wohlangothi lukahulumende weMelika oluphathisa amazwe womhlaba, eZimbabwe, olwe USAID, uNkosikazi Stephanie Funk uthi eleMelika lizimisele ukuphathisa amazwe afana le Zimbabwe athole uncedo ngesikhathi leligcikwane lisisidla ubhedu emhlabeni jikelele.
Kunje eZimbabwe leligcikwane leCoronavirus selithethe umpefumulo womuntu oyedwa, uMnu Zororo Makamba njalo kulabantu abahlanu asebefunyenwe belalo.
Ingcitshi ecubungula ezombusazwe, uMnu Mlungisi Dube uncome ele Melika ngalolu sizo.
"Sibonga ukuphathiswa ukuncedwa esikwenziwe nguhulumende we Melika. Uhulumende we Zimbabwe kumele enze ngokufanayo efake imali ezifanayo. Uthatha imali ethengela abantu abasebenzela ezempilakahle, Wonke umuntu usengozini yokubamba umkhuhlane we corona.
Okusekelwe nguMnu. Davis Tshuma, isakhamuzi seHarare, othi uhulumende we Zimbabwe kumele athembeke ekusebenziseni loluncedo.
"Siyabonga kakhulu ilizwe le Melika ngokusinceda ukuthi lathi senelise
ukuzivikela. Sithi bangadinwa lakusasa. Uhulumende wethu siyamncenga ukuba asebenzise limali ngemfanelo"
Esinye njalo isakhamuzi seHarare, uMnu Zwelithini Moyo laye uthi uhulumende kumele aqondise loluncedo emsebenzini ohlelelwe lokhu.
"Ngibona kuyinto enhle nxa imali ingafika ebantwini abadubekayo ukuze uzulu wonke asizakale ngesikhathi ilizwe libhekane lomkhuhlane we covid 19"
Lobanje inani lasebehlolwe bafunyanwa belegcikwane leCOVID 19, eZimbabwe lisese phansi abantu abanengi elizweni sebehlalela evalweni ngenxa yesimo esisezibhedlela zelizwe, zona ezingalungelanga ukuphathisa abayabe sebefunyenwe belegcikwane.
Your browser doesn’t support HTML5
UMlondolozi Ndlovu Usethulela Loludaba