Comptroller and Auditor General: Imali Yesikhwama Sokulungisa Imigwaqo Ayisetshenziswa Ngemfanelo

WASHINGTON —  Umbiko owethulwe yihofisi kaComptroller and Auditor General uveza ukuthi imali yesikhwama esasungulwa nguhulumende ukulungisa imigwaqo ese Roads and Road Traffic Fund ayisetshenziswanga ngemfanelo.

UComptroller and Auditor General uNkosikazi Mildred Chiri uthi inhlanganiso eyaba lesi isikhwama eye Zimbabwe National Roads Administration- ZINARA iyehluleka ukuchasisa ukuthi imali efika izigidi eziyisithupha zamadola-$6million yasetshenziswa njani ngomnyaka ka 2011.

Isigaba se Matabeleland North sibikwa kuyiso esathola imali enengi efika ku sigidi esisodwa samadola, kukanti ezinye izigaba zelizwe zithi azitholi imali eyeneleyo yokulungisa imigwaqo.

UMnu. Albert Mhlanga omela i-Phumula edale lephalamende njalo ekukhomithi ebona ngezemigwaqo kulelidale uthi bavumelene ukukhweza isicelo sokuthi kudingisiswe ngenkokheli ye ZINARA ngoba kuyiyo engabe itshaphaza limali.

Ingxoxo LoMnu. Albert Mhlanga