Umgcinisihlalo wenkampani kahulumende yezokwemba, iZimbabwe Mining Development Corporation (ZMDC) uMnu. Godwills Masimirembwa uthi imali eyanikwa uhulumende yi ZMDC eyokukhuphula iholo lezisebenzi ngeviki ephelileyo yanikwa ugatsha lwezemali hatshi olukhangelane lokuholisa izisebenzi – iSalary Services Bureau.
Umnu. Masimirembwa utshele iphephandaba le Herald ukuthi ngamanga njalo kuyayangisa okukhulunywa yiziphathamandla zebandla le Movement for Democratic Change (MDC) elikhokhelwa nguMnu. Mogran Tsvangirai ukuthi imali le yaphiwa lolugatsha oluyilo oluhambisa imali yezisebenzi zikahulumende emabhanga.
Umnu. Masimirembwa uthi iZMDC izaqhubeka incedisana lamankampani emba amadayimana eMarange ukwenzela ukuholisa izisebenzi zikahulumende iholo elisanda kukhuphulwa.
Ingcwethi kwenotho uMnu. Bekithema Mhlanga uthi iZMDC akumelanga ingene kwezombangazwe njengoba kumele ikhangelane lezokwemba okutshiyeneyo okuphathisa ilizwe.
