WASHINGTON DC —
Ummeli wesigaba seGlenview North edale lephalamende njalo elilunga leCCC uMnu Happymore Chidziva ngoLwesihlanu uvulelwe icala lokudlwengula untombazana oleminyaka yokuzalwa elitshumi lasithupha, 16 years.
Inkundla yeZimLive ibike ukuba uChidziva kakabotshwa njalo icala leli lizaphathwa ngamapholisa eHarare Central.
Igqwetha lemuli kamamangala uMnu Takunda Jacob ufakazele iStudio 7 ukuthi ngempela lokhu kwenzakele.
Imizamo yokuxhumana loChidziva yehlule ikanti isikhulumeli samapholisa uMnu Paul Nyathi uthe ubengekho ehofisini.
Kulicala eZimbabwe ukuya emacansini lowesifazana oleminyaka ephansi kwelitshumi lasitshiyangalombili, 18 years.