UTakudzwa Ngadziore, owathunjwa ngamapholisa ensitha nyakenye amphosela emoteni amtshaya kabuhlungu njalo wahlatshwa ijekiseni engaziwayo, usefuna ukuhlawulwa inkulungwane ezilikhulu lamatshumi amahlanu amadollar eMelika.
UNgadziore, olilunga ledale lephalamende ekubandla leCitizens Coalition for Change, wakhululwa izigqoko kulandela ukuvalwa amehlo ngamasaka ngabacatshangelwa ukuba basebenza lohulumende webandla leZanu PF.
Wahlala esibhedlela okwesikhathi eside eselatshwa izilonda abalazo kulandela ukuthunjwa kwakhe. Sehlulekile ukuxhuma isikhulumeli samapholisa uCommissioner Paul Nyathi obengaphenduli umakhalekhukhwini wakhe.
Kulabaphikisayo abanengi eZimbabwe asebathunjwa ngamapholisa ensitha endlela ezifaya lokwehlela uNgadziore. Omunye wabathunjwayo nguItai Dzamara, owayetshengisila esola uhulumende kowayengumongameli umuyi uRobert Mugabe. Seleminyala embalwa wanyamalala.
Abanye bagoqela uPatrick Nabanyana labanye abathunjwa ngesikhathi sombuqazwe weGukurahundi.