Ikhomisheni ebona ngokusebenza kwamankampani ama insurane elizweni eye Insurance and Pensions Commission isivale amankampani ama insurance edlula amatshumi amahlanu kusukela ngoMvulo kuliviki ehluleke ukulandela isinqumo sebhanga elikhulu lelizwe ele Reserve Bank of Zimbabwe sokuthi kumele abe lemali elingeneyo yokubhadala uzulu inhlelo zawo ezitshiyeneyo.
Inani lamankampani asevaliwe ngesikhatshana libikwa selisedlula amatshumi ayisikhombisa.
Umnu. Masimba Kuchera ingcwethi ecubungula ezenotho uthi amankampani la bekumele avalwe njengoba abengasoze enelise ukubhadala amalunga awo inhlawulo okumele ayithole engehlelwa zinhlupho.
Umnu. Kuchera utshele uGibbs Dube we Studio 7 ukuthi inotho yelizwe kayenelisi ukuba lamankampani amanengi akhangelane lenhlelo ze insurance.
