BULAWAYO —
Ikhansili yakoBulawayo isiqalise ukwakha indawo entsha yokupheka amahewu lotshwala ngemva kokuthola imvumo yokuqhelisa umsebenzi wayo kunkampani yayo ye Ingwebu ebingasasebenzi ngendlela ngenxa yokusilela kwemali.
Ikhansili yakoBulawayo ithole imvumo le kwabohlangothi oluhlola ezokudla kweleZimbabwe iGovernment Analyst Laboratories leFood Statutory Advisory Board ukuthi iqhelise umsebenzi wayo wokupheka utshwala.
Ingwebu ithole imvumo yokupheka amahewu emihlobo emine etshiyeneyo phezu kotshwala ebivele ibugaya.
Inkampani le ithi ikhangelele njalo ukuqhelisa imikambo yayo ithengisele ezigabeni zonke zemaNdebeleni kanye leNkabazwe hatshi koBulawayo kuphela njengalokhu ebikwenza.
Inkampani le kuminyaka edluleyo ibisinciphise kakhulu ukusebenza kwayo, lekhansili isize yavala amabhawa amanye yawanika osomabhizimisi abazimele bodwa ngenxa yokwehluleka ukuqhuba ibhizimisi.
UNkosikazi Barbara Ngwenya, oyisakhamuzi, uthi kuqakathekile ukuthi ikhansili isebenze gadalala kwezebhizimisi ngoba lelidolobho ligcwele abantu abalahlekelwe yimisebenzi okwenza kubenzima ukuthi babhadale inhlawulo yekhansili.
UNkosazana Patricia Mabhena, oyisakhamuzi uthi kuyadingeka ukuthi ikhansili idinge zonke indlela engazithola ukuvuselela amabhizimisi ayo njalo inike izakhamizi imisebenzi ngokuvuselela amabhawa ayo avalayo kanye lokuqhelisa inkampani yeIngwebu.
Umqondisi wenhlanganiso yezakhamizi, iBulawayo Progressive Residents Association uMnumzana Rodrick Fayayo, uthi kuqakathekile ukuthi ikhansili iqhelise indlela zayo zokuthola imali ukuze iphathisane lezakhamizi ezilahlekelwe yimisebenzi. Uthi kudala uhulumende ethembisa ukuthi uzaphathisa ukuvuselela lelidolobho kodwa kungela lutho alwenzayo osokusitsho ukuthi ikhansili yiyo okumele iphatheke ngokuvuselela inotho yalelidolobho.
Kunyanga ezintathu umnyaka uqala Ingwebu ithengise utshwala obulutshwane obungaba yisilinganiso sokwesitshiyagalolunye ekhulwini-8% kukhangelwa isikhathi esifanayo nyakenye.
Ingwebu yasungulwa kuminyaka elikhulu edluleyo, ukuphathisa ikhansili ukuthola imali yenhlelo zayo phezu kwaleyo ekhutshwa yizakhamizi.
Ikhansili yakoBulawayo ithole imvumo le kwabohlangothi oluhlola ezokudla kweleZimbabwe iGovernment Analyst Laboratories leFood Statutory Advisory Board ukuthi iqhelise umsebenzi wayo wokupheka utshwala.
Ingwebu ithole imvumo yokupheka amahewu emihlobo emine etshiyeneyo phezu kotshwala ebivele ibugaya.
Inkampani le ithi ikhangelele njalo ukuqhelisa imikambo yayo ithengisele ezigabeni zonke zemaNdebeleni kanye leNkabazwe hatshi koBulawayo kuphela njengalokhu ebikwenza.
Inkampani le kuminyaka edluleyo ibisinciphise kakhulu ukusebenza kwayo, lekhansili isize yavala amabhawa amanye yawanika osomabhizimisi abazimele bodwa ngenxa yokwehluleka ukuqhuba ibhizimisi.
UNkosikazi Barbara Ngwenya, oyisakhamuzi, uthi kuqakathekile ukuthi ikhansili isebenze gadalala kwezebhizimisi ngoba lelidolobho ligcwele abantu abalahlekelwe yimisebenzi okwenza kubenzima ukuthi babhadale inhlawulo yekhansili.
UNkosazana Patricia Mabhena, oyisakhamuzi uthi kuyadingeka ukuthi ikhansili idinge zonke indlela engazithola ukuvuselela amabhizimisi ayo njalo inike izakhamizi imisebenzi ngokuvuselela amabhawa ayo avalayo kanye lokuqhelisa inkampani yeIngwebu.
Umqondisi wenhlanganiso yezakhamizi, iBulawayo Progressive Residents Association uMnumzana Rodrick Fayayo, uthi kuqakathekile ukuthi ikhansili iqhelise indlela zayo zokuthola imali ukuze iphathisane lezakhamizi ezilahlekelwe yimisebenzi. Uthi kudala uhulumende ethembisa ukuthi uzaphathisa ukuvuselela lelidolobho kodwa kungela lutho alwenzayo osokusitsho ukuthi ikhansili yiyo okumele iphatheke ngokuvuselela inotho yalelidolobho.
Kunyanga ezintathu umnyaka uqala Ingwebu ithengise utshwala obulutshwane obungaba yisilinganiso sokwesitshiyagalolunye ekhulwini-8% kukhangelwa isikhathi esifanayo nyakenye.
Ingwebu yasungulwa kuminyaka elikhulu edluleyo, ukuphathisa ikhansili ukuthola imali yenhlelo zayo phezu kwaleyo ekhutshwa yizakhamizi.